Masalimo 102:14 - IBAYIBOLO 2024

¹⁴ Pakuti ababombi bako baghaghanite amabwe agha akaya akakulu nkani kala, bakukapelela ichisa napapo kaba chisami.

Masalimo 102:14 Iomraidhean Croise

Ezila 1:5

Po abalongozi abamunyumba izya luko ulwa Yuda nulwa Benjamini na baputi sona naba Levi, kokuti umuntu wesi yuyo u Chala akamupalamasya umoyo, akiyannya pakubuka ku Yelusalemu pakuzenga Inyumba iya Mwene.

Ezila 7:27

Apaliwanje u Mwene, u Chala uwa banyenya bitu, yuyo abikite inyinong'ono zinizi mumoyo uwa mwene ukuti ayichindikaye Inyumba yache mu Yelusalemu

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 2:17

Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Nehemiya 2:3

Loli nkamwamula u mwene nkati, “Wee mwene, nkukulondela ubumi ubutali. Nkimba choni chicho ntangasulumannya, bo akaya akakulu nkani mumo muli amapumpa agha banyenya bane kaba chisami sona imilyango yache yochiwe?”

Nehemiya 4:10

Pakabalilo kalakala aba Yuda bakatinji, “Abambombo balita pachifukwa ichakuti bakunyamula nkani amabwe aghakunanganika, umwakuti tukupotwa pakubomba imbombo inkafu yiniyi.”

Nehemiya 4:2

pamaso pa bamwabo sona na basilikali aba mu Samaliya ukuti, “Nkimba aba Yuda abadedebazu aba bakubomba ichoni? Nkimba bakwinong'ona ukuti bangazenga sona ulupaso? Nkimba bakwinong'ona ukuti bangamalizya imbombo iyi mwisiku lyoka nanti babika ivyakwiyipa? Fwandi bakwinong'ona ukuti bangapanga sona amabwe ukufuma kuvibunga ivya mabwe aghakunanganika ghagho ghochiwe numoto?”

Nehemiya 4:6

Po tukazenga sona ulupaso lula mupaka tukafika pakasi na pakasi ukukwela mumwanya, pachifukwa ichakuti abantu bakiyula nkani pambombo.

Masalimo 119:126

Wee Mwene, akabalilo kako kakwana akakubombela imbombo, pachifukwa ichakuti abantu balunangannya ululaghilo lwako.

Masalimo 79:1

Wee Chala, abantu aba inko izinji binjiye muchisu icha bantu bako, bayinyazya inyumba yako izelu, sona bakapelite akaya akakulu nkani aka Yelusalemu pakuba chisami.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yesaya 40:2

ubakazye abantu aba mu Yelusalemu. Babuzye ukuti bayimba akabalilo akatali nkani, imbibi zyabo zyahobokeliwa. Nabafunda mpela pachifukwa icha mbibi zyabo zyosi.”

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yelemiya 29:10

U Mwene akuti, “Bo ichisu icha Babiloni chalaghila amaka 70 nkwiza pakubendela nukukwanilisya ilayizyo lyane nukubanyosezya ku buzilo bunubu.

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Luti 1:6

Bo u Nabomi ivwa ukuti u Mwene abavwa abantu bache ni vyakulya, u Nabomi poka na balasagha bache babili bala bakanda ukwiyannya pakwepamo mu Mowabu nukubwela kukwabo.