Masalimo 102:11 - IBAYIBOLO 2024

¹¹ Amasiku ghane ghali ngati muzyezye pachamabwila, sona nkufoka ngati lisote.

Masalimo 102:11 Iomraidhean Croise

Yobu 14:2

Akwanda bulo pakumela ngati bwezya nukufoka, sona akuzyebeluka bulo ngati muzyezye.

Yobu 19:10

Akunkoma kumbazu zyosi mupaka imale, ulusubilo lwane akulunyunkula ngati likwi.

Masalimo 109:23

Nkuzyebeluka bulo ngati chizyezye icha pachambwila. Po nkutetema ngati we kanta.

Masalimo 144:4

Umuntu ayanite bulo nu muyi, ghope amasiku ghache ghayanite nu muzyezye ghugho ghukuzyebeluka.

Umulumbilili 6:12

Nkimba wewenu yuyo achimenye ichintu ichiza mubumi ubwa muntu bo ali mumasiku amapimpa na masita mbombo agha bumi bwache, bo akuzyebeluka bulo ngati muzyezye? Nkimba wewenu yuyo angamubuzya zizyo zikwiza pakubombiwa pachisu ichapasi bo afuye?

Nkuto 3:1

Ane ne muntu yuyo akomana na mayimba, nafundiwa ni ndisa iya bukali ubwa Chala.

Yakobo 1:10

sona umukilisitu yuyo mukabi wepe asekelaye, bo u Chala akumwisya. Pakuti abantu abakabi bakwiza pakumala ngati bwezya ubwa muzi.

Yakobo 4:14

Loli mutakuzimanya nukuzimanya ukuti ubumi bwinyu indabi bukwiza pakuba bulibuli! Muyanite bulo nu kabefu, yuyo akuboneka pakabalilo akapimpa bulo nukuzyebeluka.

1 Pitala 1:24

Amasimbo ghakuti, “Abantu bosi bali ngati lisote, sona ubuchindamu bwabo buli ngati bwezya ubwa muzi. Isote likufoka, sona ubwezya bukulaghala.