Masalimo 101:3 - IBAYIBOLO 2024

³ Ntakwiza pakughitikizya amaso ghane, pakwennya ivintu ivyamwalwemwalwe. Izibengite nkani imbombo izya bantu babo te basubiliwa. Zinizi zitakwiza pakumamatila.

Masalimo 101:3 Iomraidhean Croise

Yobu 31:1

Nkafinga ulufingo na maso ghane, ukuti ntakwiza pakumunyonywapo umulindu.

Masalimo 119:113

Imbabengite abantu aba moyo mabili, loli indughanite ululaghilo lwako.

Masalimo 119:37

Ughapelaye amaso ghane, ukuti ghatakanyonywanje ivintu vivyo vite ni mbombo. Umpe ubumi ukuyana nizila zyako.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 139:22

Naloli imbabengite nkani nu lubengo ulwakufikapo, po nkubapima ngati balwani bane.

Masalimo 14:3

Abantu bosi bapulumpa, bosi bo banyonganu, sona atalipo nayumoyumo yuyo akubomba inyiza, awe atalipo nayumoyumo.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 39:1

Nkati, “Nkwiza pakucheba nkani ni mbombo zyane, sona nkwiza pakululema ululimi lwane ukuti lutakanangaye. Nkwiza nukughusona bulo umulomo wane, bo indi pakasi pabantu ababibi.”

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 41:9

Wepe nu mumanyani wane bulo uwa pamoyo, yuyo nkulya poka nawe ichibama, ansambukiye.

Masalimo 78:41

Bakamuyela u Chala kabilikabili, bakamukalalizya Umuzelu uwa Izilayeli yula.

Masalimo 78:57

Abene bakaba bakusambuka sona batakaba basubiliwa, loli bakanyongananyongana bulo ngati kalasilo akakunyongana.

Masalimo 97:10

Babo bamughanite u Mwene, babubengaye ububibi. Pakuti akubuvighilila ubumi ubwa bantu bache abasubiliwa, sona akubapoka munyobe izya bantu ababibi.

Ukufuma 20:17

“Utakayinyonywanje inyumba iya mupalamani wako. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

Ukufuma 32:8

Bavileka umwalubilolubilo vyosi vivyo nkabalamula ukuti babombaye. Bipangila bene ichifwani icha ngwata icha golide, sona bakuchiputa nukubika ivyakwiyipa nukuti, ‘Mwee ba Izilayeli, aba bo bachala bitu babo bakatwefya mu Ijiputi.’ ”

Ivyili 6:12

Umuntu uwa mwalwemwalwe, sona umuntu umubibi akwendakwenda bulo nukunena ubumyasi.

Ivyili 6:13

Akusinizya amaso, akupalasila ni nyayo, sona akusontasonta bulo nu tufingwi.

Ivyili 6:25

Umoyo wako ghutakanyonywanje akabonekele kache akiza, pamo ukukutegha na kasinikizye aka maso ghache.

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Umulumbilili 6:9

Chiza nkani pakuvyennyanga bulo ivintu na maso, ukuchila pakuba ni chinyonywa. Chope chinichi chite ni mbombo nayimoyimo, ko kuyimba bulo.

Yesaya 30:11

Muyileke izila iyi, pakupaghukila mulubazu, leka pakutubuzya izya Umuzelu uwa Izilayeli!”

Yesaya 33:15

Yuyo akwenda mubugholosu, nukunena ubwanaloli, yuyo akukana pakubazimbula abapina nukukana amabeko, sona nukwighalila amakutu ghache, ukuti ghaleke pakwivwa nizya bughoghi, nukwighalila amaso ghache, ukuti ghaleke pakwennya ububibi

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Zekaliya 8:17

mutakamwinong'onelaye umupalamani winyu ichintu ichibibi, sona mutakalapilaye mubumyasi. Ane invibengite nkani ivintu vinivi.” U Mwene anena.

Matayi 5:28

Loli ilelo nkubabuzya ukuti: Umuntu wesi yuyo akumwenelezya umukolo nukumunyonywa, alowa nawe kale mumoyo wache.

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Aba Galatiya 4:9

Loli pakuti ilelo mumumenye u Chala pamo ukumanyikwa nu Chala, po bulibuli ukuti munyokele kunyiho izya chisu ichapasi zizyo zite ni mbombo, sona zizyo zite namaka? Nkimba mukulonda mubanje sona mwe bazya aba vintu vinivi?

Ukukumbusya Amalamulo 13:17

Mutakapalamasyanje nachimochimo ichintu icha vintu ivyamwiko vinivi umwakuti ubukali ubwa u Mwene butozoke. Po atakwiza pakubakalalila sona, akwiza pakubapelela ichisa nukubabalizya pakuba mwe binji nkani, ukuyana namumo akalapila kubanyenya binyu,

Ukukumbusya Amalamulo 15:9

Muchebaye nkani ukuti mutakabe ni nyinong'ono imbibi mumoyo ghinyu nukuti, “Umwaka uwaseveni, ghugho mwaka uwakuzimya inkongole ghuli papipi,” umwakuti mutakamupelelaye ichisa uwamwinyu umupotwe pakusita ukumupa ichintu nachimochimo. Uwamwinyu yula akwiza pakumulilila u Mwene, po inongwa yikwiza pakuba pamitu yinyu.

Aba Hebeli 10:39

Aswe tute twe bantu babo bakunyokela kwisinda nukusobela, awe. Loli twe bantu aba lwitiko, sona tupokiwe.

Yoshwa 23:6

“Polelo muchebaye nkani, sona mwenelezye ukuti mukughakonka amalamulo ghosi ghagho ghasimbiwe mwibuku ilya Ndaghilo izya Mozesi. Mutakalusulaye ululaghilo nalumolumo.

2 Pitala 2:21

Chikaba chizapo ukuti abantu banaba ngali batayimenyepo nalumolumo izila ingolosu nukuchila ukuyimanya, pisinda pache nukusita ukulikonka ilamulo ilipaghuliwa, lilyo u Chala akabapa.

1 Yohani 2:19

Naloli abantu banaba batakaba ba kabukatila kitu, cho chifukwa bakatuchimbila. Nanti bakabanga ba kabukatila kitu, ngali batakatuchimbila. Loli bakatuchimbila umwakuti chiboneke pabuzelu ukuti naloli atakabapo nayumo umuntu yuyo akaba wa kabukatila kitu.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.