Masalimo 101:2 - IBAYIBOLO 2024

² Nkwiza pakwenda muzila zizyo zite ni chilema nachimochimo, nkimba ukwiza liyi kukwane? Nkwiza pakuba nu moyo uwakufikapo munyumba yane.

Masalimo 101:2 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

2 Samuweli 8:15

U Devedi akalaghilagha mu Izilayeli mosi, sona akabombelagha vyosi mubwanaloli na mubugholosu pakasi pa bantu bosi.

1 Abamwene 11:4

Bo u Solomoni aghosipa, abachi bache bala bakamudeba pakubiputa abachala abanji, nukuleka pakumusubila u Mwene u Chala wache ukuyana namumo uwise u Devedi akabombelagha.

1 Abamwene 9:4

“Loli nanti awe ukubomba mubwanaloli na mubugholosu pamaso papane ngati mumo ughuso u Devedi akabombelagha, nukubomba zyosi zizyo nkukulamula pakughakonka amalamulo ni ndaghilo zyane,

2 Imbili 15:17

Napapo u Asa atakabwefya ubuzilo ubwapamwanya ubwakwiputilapo ivifwani mu Izilayeli, loli akamusubila u Mwene mubumi bwache bosi.

2 Imbili 30:12

U Chala akabapela abantu aba mu Yuda pakuba nu lweke ukuti babombaye zizyo u mwene na makambala ghache bakalamula, ukuyana na mazyu agha Mwene.

Masalimo 101:6

Nkwiza pakuba ni chisa na bantu abasubiliwa muchisu, umwakuti bikalaye poka nane. Wesi yuyo akwikala ubumi bubo bute ni chilema nachimochimo, akwiza pakumbombela.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Masalimo 119:115

Mwe babomba mbibi, epako kukwane, umwakuti ingakonkaye amalamulo agha Chala wane.

Masalimo 26:11

Loli ane nkwenda muzila ingolosu, po umpokaye sona umpelelaye ichisa.

Masalimo 40:17

Loli ane ne mupina sona mupotwe, po u Mwene anyinong'onelaye. Wee Chala wane, we mwavwilizi wane sona we mutabuli wane, utakazyelaye.

Ukufuma 20:24

“ ‘Munzengele ichighemo ichitope, po mubikepo ivyakwiyipa ivya ing'ozi, ni ng'ombe ukuti vibanje vyakwiyipa ivyakocha, ni vyakwiyipa ivyabupoka. Pabuzilo bosi bubo nkubupaghula ukuti munyiputilayepo, nkwiza pakwiza kukwinyu pakubasaya.

Yesaya 38:3

“Wee Mwene ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Ukukumbusya Amalamulo 6:7

Mubamanyisyanje abana binyu. Mughanenaye bo mukwikala pasi munyumba zyinyu, pamo bo mukwenda mumusebo, pamo bo mukughona pabusiku, sona bo mukulamusya pandabindabi.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

1 Samuweli 22:14

U Ahimeleki akamwamula u mwene akati, “Wee mwene nkimba alipo yumo pakasi pa bambombo bako yuyo musubiliwa nkani kukwako ukumuchila u Devedi, umukwalima wako, yuyo mulongozi uwa basilikali bako, sona muchindikiwa nkani munyumba yako?