Masalimo 100:5 - IBAYIBOLO 2024

⁵ Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 100:5 Iomraidhean Croise

1 Imbili 16:34

Mumupalizyanje u Mwene, pakuti mwiza, ulughano lwache ulwa bwila na bwila.

2 Imbili 5:13

Abalizya amapati na bimbi bakaba poka pakumupala nukumupalizya u Mwene. Abantu babo bakalizyanga amapati nu malimba ni vyimbilo ivinji bakakwezya amazyu ghabo pakumupala u Mwene nukwimba ukuti, “U Chala mwiza, ulughano lwache ulwa bwila na bwila.” Ibingu likizula mu Nyumba iya Mwene,

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 106:1

U Mwene apaliwanje. Mumupalizyanje u Mwene pakuti mwiza, ulughano lwache ulwa bwila na bwila.

Masalimo 107:1

Mumupalaye u Mwene pakuti mwiza, ulughano lwache lwa bwila na bwila.

Masalimo 107:15

Bamupalaye u Mwene, pachifukwa icha lughano lwache ulwa bwila na bwila, sona ni mbombo zyache izyakuswighisya pabantu,

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 107:8

Bamupalaye u Mwene, pachifukwa icha lughano lwache ulwa bwila na bwila, pachifukwa icha mbombo zyache izyakuswighisya pabantu.

Masalimo 119:68

We mwiza sona ukubomba zyo nyiza, po umanyisyanje amalamulo ghako.

Masalimo 138:8

U Mwene akwiza pakukwanilisya ubwighane bwache papane. Wee Mwene ulughano lwako lwa bwila na bwila, po utakazilekaye imbombo izya nyobe zyako.

Masalimo 146:6

umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 25:8

U Mwene mwiza sona mugholosu, po akubamanyisya ababomba mbibi izila zyache.

Masalimo 36:5

Wee Mwene ulughano lwako lwafika mupaka kumwanya, sona ubusubiliwa bwako bope bwafika mumabingu.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.