Masalimo 100:3 - IBAYIBOLO 2024

³ Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 100:3 Iomraidhean Croise

2 Abamwene 19:19

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

1 Imbili 16:14

U Mwene we Chala witu sona akuchilonga ichisu chosi ichapasi.

Yobu 10:3

Nkimba chingakuhobosya nanti ukunjivya, nanti ukuzinsulannya imbombo izya nyobe zyako? Nkimba chingakuhobosya nanti ukwennya zizyo abantu ababibi bakulonda pakumbombela?

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 12:4

Abantu banaba bakutinji, “Tukwiza pakupota ni ndimi zyitu, po nkimba wewenu angatupota na malomo ghitu?”

Masalimo 149:2

Aba Izilayeli basekelaye, pachifukwa icha Mupeli wabo, abantu aba mu Ziyoni bahobokaye pachifukwa icha Mwene wabo.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 78:52

U Mwene akabalongozezya abantu bache ngati vyo vitekwa, po akabefya munkolongo mula ngati zyo ng'ozi.

Masalimo 79:13

Po aswe twe bantu bako, twe mudimo uwa pakulyezyezyapo ivitekwa, tukwiza pakukupala bwila na bwila, sona tukwiza pakukupalagha mupaka inkulilo zyosi izya muntazi.

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Umulumbilili 12:1

Umukumbukaye Umupeli mumasiku ghako agha bulumendo bwako, bo amasiku agha ntamyo ghatafikite, sona bo ghatapalamiye amaka ghagho ukwiza pakunena ukuti, “Intakwilagha ubumi.”

Yesaya 63:11

Po abantu bache bakaghakumbuka amasiku aghakale, amasiku agha Mozesi na bantu bache Nkimba ali kokwiyi u Mwene, yuyo akabapoka panyanja, poka na badimi aba mudimo wache? Nkimba ali ko kwiyi u Mwene, yuyo akabika Umuzimu Umuzelu wache pakasi papabo,

Yesaya 63:19

Aswe twe bantu bako ukwanda kale, loli utabalaghiyepo, sona batitiziwepo nalumo ni tabwa lyako.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Ezekiyeli 34:11

“ ‘Pakuti u Mwene Uwamaka Ghosi akuti: Ane nemwene nkwiza pakuzilonda ing'ozi zyane nukuzisungilila.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?

Ukukumbusya Amalamulo 4:35

U Mwene akabalanjizya zinizi umwakuti mumanye ukuti u Mwene we Chala, sona nukuti atalipo uyunji.

Ukukumbusya Amalamulo 4:39

Po ilelo mukumbukaye, sona mutakaluvyanje ukuti u Mwene we Chala uwakumwanya na pachisu ichapasi, sona atalipo uyunji.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

1 Pitala 2:25

Amwe mukaba ngati zyo ng'ozi zizyo zisobelite, loli ilelo mwanyokela kwa Mudimi yuyo Musungilili uwa bumi bwinyu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Pitala 4:19

Polelo abantu babo bakuyimba pachifukwa icha bwighane ubwa Chala, biyipe bene kwa Mupeli wabo, yuyo akusungilila ilayizyo lyache, sona bendelele pakubomba ubwiza.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.