Masalimo 100:2 - IBAYIBOLO 2024

² Mumwiputaye u Mwene nu buhobosu, sona zagha pamaso papache, bo mukwimba inyimbo.

Masalimo 100:2 Iomraidhean Croise

1 Abamwene 8:66

Pisiku ilya 15 u Solomoni akababwezya abantu bala. Bope abantu bala bakamulagha u Solomoni nu lusayo, po bakabwela bo bahobokite nkani nukusekela pachifukwa icha vintu ivyiza vyosi vivyo u Mwene akamubombela umubombi wache u Devedi, poka na bantu bache aba Izilayeli.

2 Imbili 29:30

U mwene u Hezekiya, na makambala ghache bakabalamula aba Levi ukuti bamupalaye u Mwene na mazyu agha Devedi sona nagha mwenelezyi u Asafu. Po bakimba inyimbo izya mapalo nu buhobosu, bo bakumwiputa pakufughama pasi.

2 Imbili 31:2

U Hezekiya akababika abaputi naba Levi mutubukatila ukuyana ni mbombo zyabo ukuti babikaye ivyakwiyipa ivyakocha ni vyakwiyipa ivyabupoka, nukwenelezya imbombo sona nukwimba inyimbo izya mapalo nizya kupalizikizya pamulyango uwa Nyumba iya Mwene.

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Masalimo 71:23

Umulomo wane ghukwiza pakukolomoka pachifukwa icha buhobosu, bo nkukwimbila inyimbo izya mapalo. Ghope umoyo wane ghugho ukaghupoka ghukwiza pakukwimbila.

Masalimo 95:2

Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Ukukumbusya Amalamulo 12:12

Kulakula amwe poka na bana binyu abalumendo na balindu na bambombo binyu abalumendo na balindu sona naba Levi babo bakwikala mutwaya twinyu, babo bate ni chigaba pamo impyana iyabo ni yabo musekelaye pamaso pa Mwene u Chala winyu.

Ukukumbusya Amalamulo 16:11

Po amwe poka na bana binyu abalumendo na balindu na bambombo binyu abalumendo na balindu naba Levi na bayeni na balanda sona na bakolo abafwilwe babo bakwikala mutwaya twinyu musekelaye pamaso pa Mwene u Chala winyu pabuzilo bwache ubwakwikalamo bubo akwiza pakubusala.

Ukukumbusya Amalamulo 16:14

Amwe poka na bana binyu abalumendo na balindu na bambombo binyu abalumendo na balindu naba Levi na bayeni na balanda sona na bakolo abafwilwe babo bakwikala mutwaya twinyu musekelaye ulusekelo lulalula.

Ukukumbusya Amalamulo 28:47

U Mwene u Chala winyu akabasaya amwe muvintu vyosi, pope bulo amwe mutakamubombela na moyo amahobosu na masangalusu.

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”