Masalimo 10:7 - IBAYIBOLO 2024

⁷ Mumulomo wache mwizuye vyo vighune, nu bumyasi, na mazyu amababe. Ululimi lwache lope lukwiza pakubapelela bulo abanji intamyo, sona ni mbibi.

Masalimo 10:7 Iomraidhean Croise

Yobu 15:35

Bakupesa intamyo nukwinula imbibi; amoyo ghabo ghakwinong'ona nizya bumyasi.”

Yobu 20:12

“Napapo imbibi zinonite mumulomo wache, nukuzifisa kusi kululimi lwache,”

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 140:3

Bakupyasya indimi zyabo ukuti zibanje ngati zya njoka, mumulomo wabo muli ubwanga ubwa bachipili.

Masalimo 140:9

Utakabitikizyanje abalwani bane babo banyavwaniye ukuti bampote, sona inguno zyabo zibanyokele.

Masalimo 144:11

Mpoka munyobe izya bayeni, mumulomo wabo muzuye ubumyasi bwene, sona bakulapa bo bumyasi bwene.

Masalimo 144:8

Abantu banaba mumulomo wabo mwizuye ubumyasi bwene, sona bakulapa bo bumyasi bwene.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 41:6

Nanti umuntu yumo akwiza pakunyennya, atakwiza nu moyo uwanaloli, po nanti epapo akwanda pakufumusya ipangwi ibibi.

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 50:19

Ukughubombezya umulomo wako pakunena ivibibi, sona ululimi lwako lukwata ivyabumyasi.

Masalimo 52:4

Wee muzimbuli, ululimi lwako lughaghanite nkani amazyu aghakubavulazya abanji.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Masalimo 59:12

Amituvyo ghabo ghabanje chipingo chabo, pachifukwa icha mbibi izya pamilomo yabo na mazyu agha pamalomo ghabo, sona na pachifukwa ichakuti bakunena ubumyasi nukubaghuna abanji.

Masalimo 59:13

Wee banangannye mubukalale bwako, ubanangannye mupaka bazimile bosi. Po abantu bakwiza pakumanya ukuti u Chala akumulaghila u Yakobo mupaka kubumalilo ubwa chisu ichapasi.

Masalimo 62:4

Bakalondagha bulo pakumunyunkula pabuzilo bwache ubwa buchindamu, sona bakuhoboka nkani nanti bakunena ubumyasi. Bakusaya nu mulomo wabo, loli mukasi mumoyo ghabo bakughuna.

Masalimo 64:3

Bakupyasya indimi zyabo ngati bo bapanga, sona amazyu ghabo ghakulasa ngati tulasilo.

Masalimo 7:14

Naloli umubibi akwinong'onagha bobibi, sona imbombo yache ko kupela intamyo nukubazimbula bulo abantu.

Masalimo 73:8

Bakubobezya abanji, pakuyeba, abene bakwituvya nukubakanyilila abantu.

Ivyili 21:6

Ubukabi ubwakubwaghila mubuzimbuli, buli ngati lyosi, sona chipingo icha bufwe.

Ivyili 30:8

Akakwanda unyefyezye ubumyasi, akabubili, utakampanje ubukabi pamo ubupina, umpanje ichakulya chicho nkuchilonda.

Yesaya 59:4

Mukubuka pabuzilo ubwakulongelapo inongwa, loli mutakubwaghapo ubwanaloli. Musubiye ubumyasi, bakumela intamyo nukupapa ububibi.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Matayi 12:34

Amwe mwe bana aba njoka, munganena bulibuli ubwiza, bo mwe babibi? Pakuti umulomo ghukunena vivyo vyizuye mumoyo.