Masalimo 10:5 - IBAYIBOLO 2024

⁵ Ivintu vyache vikumwendelagha akiza, akwituvya sona indaghilo zyako ate nazyo ni mbombo, po akubobezya abalwani bache bosi.

Masalimo 10:5 Iomraidhean Croise

Ubwandilo 6:12

U Chala akagha ukuti ichisu ichapasi chambibi, pakuti abantu bosi bakaba ni nkalo imbibi nkani.

2 Samuweli 5:6

Umwene u Devedi poka na bantu bache bakabuka pakulwa ubwite naba Yebusi mu Yelusalemu. Aba Yebusi bala bakamubuzya u Devedi bakati, “Utakwiza pakwinjila nalumo muno. Abantu abafwamaso na balemazu bo babo bakwiza pakukupota.” Bakinong'onagha ukuti, “U Devedi atanginjilamo muno.”

1 Abamwene 20:13

Pakabalilo kalakala umulaghuzi akiza kwa mwene u Ahabu nukumubuzya ukuti, “U Mwene ati, ‘Nkimba ukuchennya ichilundilo icha basilikali? Ilelo nkwiza pakubabika munyobe zyako, po ukwiza pakumanya ukuti ane ne Mwene.’ ”

Yobu 24:23

Angabitikizya abantu ababibi ukuti batuzyanje umwakufwasa, loli amaso ghache ghakwennya akendele kabo.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 73:3

Pakuti nkaba nakabini na bantu abakwituvya, bo nkubennya ababibi ukuti ivintu vikubendela akiza.

Ivyili 1:19

Ubu bo bumalilo ubwa bantu bosi babo bakubwagha ubukabi pachifukwa icha bwite, ubukabi bulabula bukubaghogha abenecho.

Ivyili 15:24

Umuntu uwamahala akwenda muzila iya kubumi, umwakuti atakinjilaye mwipumpa.

Ivyili 2:13

Bakuzileka izila ingolosu loli bakwenda muchisi.

Ivyili 2:15

Izila zyabo zitagholokite, sona izila zyabo nchevu nkani.

Ivyili 24:1

Utakamunyonywanje umuntu umubibi, utakakanyonywanje akabukatila kabo.

Yesaya 10:1

Chighune kubabo bakupinya indaghilo imbibi, sona kubabo bakusimba indaghilo izya kubayivya abamwabo,

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Yesaya 28:15

Mukwituvya mukuti, “Aswe twafinga ulufingo nubufwe, sona twivwana nipumpa, Bo ulufundo ulwakoghofya lukwenda, lutakatupalamasyanje, pakuti twabupela umbumyasi pakuba chakuponelamo, sona bope ubuzimbuli pakuba chakuvwamilamo.”

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 5:12

Palusekelo lwabo bakulizya ivinanda na mapango, ivisekeseke na malongi sona bakung'wela uvinyo, loli batakuzibelengela imbombo izya Mwene, batakuzichindika imbombo izya nyobe zyache.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Aba Loma 3:16

Kosi kuko babuka, bakuleka ivisami nintamyo zyene.

Abalongi 9:27

Isiku limo abantu bosi bakabuka mumaghunda pakuyaba amampesya, bakafinya uvinyo nukuba nu lusekelo munyumba iyakwiputilamo abachala babo. Mulamula bakalya nukung'wela, po bakanda pakumusamula u Abimeleki.

Abalongi 9:38

Po u Zebuli akamulalusya u Gala akati, “Nkimba ukwitutumula kwako kuli ko kwiyi? Nkimba te wewe ukatinji, ‘Nkimba u Abimeleki wewenu ukuti tumubombele?’ Nkimba banaba te bantu babo ukabasamula bala! Bukagha pakulwa nabo ubwite.”