Masalimo 10:4 - IBAYIBOLO 2024

⁴ Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Masalimo 10:4 Iomraidhean Croise

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Yobu 22:17

Bakamubuzya u Chala bakati, ‘Tuleke bulo! Nkimba Uwamaka Ghosi angabomba choni naswe?’

Masalimo 101:5

Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

Masalimo 18:27

Awe ukubapoka abantu abakwiyisya, loli abantu abakwikwezya, ukubisya.

Masalimo 27:8

Wee Mwene ukambuzya ukati, “Londelezya icheni chane!” Po icheni chako cho chicho nkuchilonda.

Masalimo 36:1

Imbibi yikunena mumoyo uwa muntu umubibi, Kutaliko ukumwiputa u Chala pamaso papache.

Masalimo 53:1

Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 73:11

Bakuti, “Nkimba u Chala angazimanya bulibuli? Nkimba Uwakumwanya Nkani ali na mahala?”

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ivyili 21:4

Amaso aghakwikwezya nu moyo uwa mituvyo, vikumulongezezya umuntu pakubomba imbibi.

Ivyili 30:13

Balipo bamo babo bakwituvya nkani mukenezye kabo, bo bakubennya abanji batakubinong'onela pakuba bantu napo panandi.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Ivyili 6:17

Ivintu vinivi vyo ivi: Amaso agha mituvyo nu lulimi ulwakutamanta, inyobe zizyo zikumughogha umuntu yuyo ate ninongwa nayimoyimo,

Umulumbilili 8:11

Nanti bakukaba pakudumula inongwa iya bughoghi, amoyo agha bantu ghakubatika pakubomba ububibi.

Yesaya 2:11

Abantu abamituvyo bakwiza pakukoziwa isoni, sona abantu abakwitutumula bakwiza pakwisiwa pasi. U Mwene weyuyo mpela akwiza pakukweziwa pisiku lilalila.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yesaya 59:7

Inyayo zyabo zikuchimbilila pakubomba imbibi, zyengo pakukupula ibanda lilyo lite ninongwa. Inyinong'ono zyabo mbibi, kosi kuko bakwenda, bakunangannya nukuleka ivisami.

Yesaya 65:2

Akabalilo kosi nkugholosya inyobe zyane, pabantu abakusambuka, babo batakwenda muzila inyiza, bakuzikonka inyinong'ono zyabo,

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Maliko 7:21

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti abombe ubwamalaya nu bwiba nu bughoghi,

Imbombo 8:22

Polelo pinduka nukuchileka ichintu chako ichibibi ichi nukumwiputa u Mwene ukuti akuhobokele pachifukwa icha kwinong'ona ichintu ngati cho ichi.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Aba Efeso 2:12

Kumbuka ukuti pakabalilo kala mukaba kubutali nu Kilisitu. Mukaba bayeni, sona mukasabukako kuba Izilayeli. Mutakaba ni chigaba mulufingo lulo u Chala akabalayizya abantu bache, po mukikala muchisu ichapasi ukusita ulusubilo, sona nukusita pakuba nu Chala.

Ukukumbusya Amalamulo 8:14

mwenelezye nkani ukuti mutakwituvya nukumuluvya u Mwene u Chala winyu, yuyo akabefyamo mu Ijiputi mumo mukaba mwe bazya.