Masalimo 10:3 - IBAYIBOLO 2024

³ Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 10:3 Iomraidhean Croise

1 Abamwene 20:25

Bungannya sona akabukatila aka basilikali akakuyana na kakwanda kako kakapotwa ubwite. Ubwinji ubwa falasi ni ngolo buyane bulo, po tukwiza pakulwa nabo ubwite mwikombe. Naloli tukwiza pakuba twe bamaka ukubachila.” Po akitinkana nabo nukubomba zizyo bakamubuzya.

Yobu 31:24

Nanti nabikagha umoyo wane pa golide pamo ukunena ku golide umwiza nkani ukuti, “Awe we ukunvighilila,”

Masalimo 35:21

Bakunyasamila amalomo ghabo bakuti, “Eee! Eee! Tukazyennya na maso ghitu zizyo ukabomba.”

Masalimo 49:18

Napapo akiyennyanga mwene pakuba musayiwa bo mumi, sona nanti abantu bope bakukupala bo vikukwendela akiza,

Masalimo 49:6

Abantu banaba basubiye bulo ubukabi bwabo, sona bakwituvya pachifukwa icha bwinji ubwa bukabi bwabo.

Masalimo 5:6

Ukubanangannya bosi babo bakunena ubumyasi, sona u Mwene ababengite abaghoghi na bazimbuli.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Masalimo 94:4

Bakwituvya, sona ababomba mbibi bakwikwezya.

Ukufuma 15:9

Umulwani yula akati, ‘Nkwiza pakubachimbizya nukubalema. Nkwiza pakubugabannya ubukabi bwabo, nukusenda vyosi vivyo nkuvilonda. Nkwiza pakuwesa upanga wane, nukubanangannya ni nyobe yane.’

Ivyili 28:4

Abantu babo bakuzisulannya indaghilo bakubapala ababibi, loli babo bakuzikonka indaghilo bakubaleghuka.

Umulumbilili 7:15

Mubumi bwane ubu bubo bute ni mbombo nayimoyimo navyennya ivintu vibili ivi: Umuntu umugholosu akuzimila pachifukwa icha bugholosu bwache, sona umuntu umubibi akwikala nubumi ubutali nkani mumbibi zyache.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 57:17

Nkakalala pachifukwa icha mbibi iya chinyonywa, Nkamufunda, nukufisa icheni chane mubukalale, loli bakendelelagha pakubomba imbibi zyabo.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Habakuku 2:9

“Aghuniwanje umuntu yuyo akuzenga akaya kache pakubombezya izila inyonganu, nukuzenga ivivumbo vyache pamwanya, umwakuti ubupalapala butakamwaghe.

Luka 12:15

Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Aba Loma 1:29

Amoyo ghagho ghizuye ni vintu ivibibi ivyakulekanalekana, ni vinyazu nu bupafu nukubombelana ivibibi; bizuye na kabini nu bughoghi nu lombwa nu bumyasi nukwinong'onelana ivibibi. Bakuyebana

Aba Loma 1:32

Abantu banaba bazimenye indaghilo izya Chala zizyo zikunena ukuti abantu babo bakubomba bunubu bafwanje. Loli bakwendelela pakubomba bunubu, mupaka nukwivwana na bantu babo bakuvibomba.

1 Aba Kolinti 6:10

pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala.

Aba Efeso 5:5

Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.

Ukukumbusya Amalamulo 32:19

Bo u Mwene azyennya zinizi, akabakana abantu bache. Akabakana abana bache abalumendo na balindu, pachifukwa ichakuti bakamukalalizya.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

Yakobo 4:13

Losi ulu ivwa kuno, mwe mukunena ukuti, “Ilelo pamo indabi tukwiza pakubuka mukaya kamo akakulu nkani, kuko tukwiza pakwikala umwaka ghoka. Tukwiza pakughula nukughulizya, po tukwiza pakuzyagha indalama inyinji nkani.”

Yakobo 4:16

Loli mumo zibeleye, mukwituvya nukwitutumula. Ukwituvya kosi kunuku kubibi.

1 Yohani 2:15

Mutakachighanaye ichisu ichapasi, pamo ichintu chosi chicho cha muchisu ichapasi. Nanti muchighanite ichisu ichapasi, kokuti mutamughanite u Tata.

Abalongi 17:2

U Mika akamubuzya unyina akati, “Pakabalilo kako umuntu yumo akakwibila isalabazya izya siliva 11,000, nukumughuna umwiba yulayula, indi nazyo. Nene nkasenda.” Unyina akamula akati, “Wee mwana wane, u Mwene akusaye!”

1 Samuweli 23:21

U Sabuli akabamula akati, “U Mwene abasaye pachifukwa icha kumpasikizya kwinyu.