Masalimo 10:17 - IBAYIBOLO 2024

¹⁷ Wee Mwene ukwivwa ukulaba ukwa bantu abakwiyisya, ughakazyanje amoyo ghabo nukwivwa inyiputo zyabo.

Masalimo 10:17 Iomraidhean Croise

1 Imbili 29:18

Wee Mwene, u Chala uwa munyenya witu u Abulahamu nu Yisaki nu Izilayeli uvibike mumoyo bwila na bwila ivintu vivyo abantu bako bakulonda pakuvibomba sona babanje wakukusubila.

2 Imbili 29:36

U Hezekiya na bantu bosi bakasekelagha pazizyo u Chala akababombela abantu bache, pachifukwa ichakuti akazibomba lubilolubilo.

2 Imbili 30:12

U Chala akabapela abantu aba mu Yuda pakuba nu lweke ukuti babombaye zizyo u mwene na makambala ghache bakalamula, ukuyana na mazyu agha Mwene.

2 Imbili 34:27

Pachifukwa ichakuti wapinduka nukwiyisya we mwene pamaso pa Chala, bo wivwa amazyu aghakususannya nakaya akakulu nkani kanaka, poka na bantu bache sona nukuti wiyisya pamaso papane pakuzepula inkazo yako nukulila pamaso papane, nane nivwa ulwiputo lwako. Ane ne Mwene nene nanena.

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 145:19

Akubapa vivyo bakulonda babo bakumuchindika akwivwa ukulila kwabo nukubapoka.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 37:4

Uhobokaye mwa Mwene, po akwiza pakukupa vivyo umoyo wako ghukuvilonda.

Masalimo 9:12

Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Masalimo 9:18

Loli abapina atakubaluvyanga nalumolumo, sona ulusubilo lwabapina lutakupotwangapo.

Ivyili 10:24

Chicho umuntu umubibi akuchinyilagha cho chicho chikumuwila, loli chicho umuntu umugholosu akuchinyonywanga, cho chicho akuchipokela.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 16:1

Umuntu angabatika ivintu mumoyo wache, loli ukwamula ukwenecho kukufuma kwa Mwene.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Matayi 5:3

“Basayiwa abantu babo bazimenye ukuti bapina mubuzimu, pakuti Ubumwene ubwa Kumwanya bwabo.

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

Aba Efeso 2:18

Pakuti ukwendela mumwache aswe twebosi, tuli nu lusako ulwa kwizila pamaso pa Tata mu Muzimu Umuzelu weka.

Aba Efeso 3:12

Ukwendela mwa Kilisitu, sona nu kwendela mulwitiko lwitu mumwache tungajimba pakupalamila kwa Chala umwakusita ukwilamwa.

Yakobo 4:10

Mwiyisyanje mwebene pamaso pa Mwene, po akwiza pakubakwezya.

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

1 Pitala 3:12

Pakuti amaso agha Mwene ghakwenelezya abantu abagholosu, sona amakutu ghache ghakuteghelezya inyiputo zyabo. Loli icheni icha Mwene chitakubalamila abantu ababibi.”

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”