Masalimo 10:16 - IBAYIBOLO 2024

¹⁶ U Mwene weyuyo akulaghila bwila na bwila, Inko zikwiza pakuzimila muchisu chache.

Masalimo 10:16 Iomraidhean Croise

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 146:10

U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 29:10

U Mwene ikaye pachitengo chache icha bumwene pamizi aghakwizula, sona ikaye pachitengo chache icha bumwene bwila na bwila.

Masalimo 78:55

Akazichimbizya inko izinji pamaso papache. Akabapa sona ichisu pakuba mpyana yabo, po akabapa utwaya abaluko ulwa Izilayeli utwakwikalamo.

Masalimo 9:15

Abantu aba inko izinji bawila muchiliba chicho bikumbiye bene, sona inyayo zyabo zilemiwe muchilepa chicho bakategha.

Masalimo 9:5

Wazichemela inko sona wabanangannya abantu ababibi, waghazimya amatabwa ghabo bwila na bwila.

Masalimo 9:8

Akwiza pakuchilonga ichisu ichapasi mubugholosu, sona akwiza pakubalaghila abantu mubwanaloli.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Ukufuma 15:18

U Mwene akwiza pakulaghilagha bwila na bwila.”

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Nkuto 5:19

Wee Mwene laghilagha bwila na bwila, ichitengo chako chibanjeko mupaka inkulilo zyosi.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Ukukumbusya Amalamulo 8:20

Nanti mutakumwivwila u Mwene u Chala winyu, akwiza pakubanangannya ukuyana namumo akabananganizizya abantu aba inko izinji, bo mukwennya na maso.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.