Masalimo 10:14 - IBAYIBOLO 2024

¹⁴ Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 10:14 Iomraidhean Croise

Ubwandilo 21:17

U Chala akamwivwa umwana yula akulila, po uwantumi uwa Chala akamubuzya u Hagala akati, “Wee Hagala, nkimba choni chatamya? Utakanyilaye, u Chala ivwa ukulila ukwa mwana.

Ubwandilo 31:12

Uwantumi yula akati, ‘Talankannya nukwennya, abasabwe bosi babo bakwendezya, bamolo pamo bamabala pamo bamadoba. Ane nabomba zinizi pachifukwa ichakuti nazyennya zyosi zizyo u Labani akukubombela.

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

2 Abamwene 9:26

‘Mumabwila nkalyennya ibanda ilya Naboti nilya bana bache. Po nkwiza pakukutanizya mumughunda ghunughu.’ Polelo mumunyamule, mumusumbile mumughunda ghulaghula ukuyana namumo u Mwene akanenela.”

2 Imbili 24:22

U mwene u Yowashi atakachikumbuka nalumo ichisa chicho uwise u Zekaliya akamubombela, loli akamughogha umwana wache. Bo u Zekaliya akufuta ilyabumalilo akati, “U Mwene ennyanje zizyo ukubomba sona akufunde.”

2 Imbili 6:23

ivwa uko kumwanya kuko ukwikala nukubombapo zimo nukulonga inongwa iya pakasi pa babombi bako. Umuntu yuyo aghiwa ninongwa umulamule ukuti ananga, sona umufunde ukuyana nukunanga kwache. Loli umuntu yuyo atanangite umulamule ukuti ate ninongwa nukumupa umuvwalo uwa bugholosu bwache.

Masalimo 146:9

U Mwene akubasungilila abayeni, sona akubavwa abana abalanda na bakolo abafwilwe, loli akubavulungannya abantu ababibi.

Masalimo 22:11

Utakabanje kubutali nane, pakuti intamyo zili papipi nane, sona atalipo nayumoyumo umuntu uwakunyavwa.

Masalimo 31:8

Po utakambika munyobe izya balwani bane, loli ukanyimika pabuzilo ubukulu nkani.

Masalimo 35:22

Wee Mwene, wazyennya zinizi utakabanje bulo myee. Wee Mwene, utakabanje kubutali nane.

Masalimo 55:22

Mupe u Mwene intamyo zyako, po akwiza pakukusunga, pakuti atakwitikizya nalumolumo ukuti abantu bache abagholosu bawanje.

Masalimo 68:5

Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Masalimo 68:6

U Chala akubapa babo bali bene bulo ubuzilo ubwakwikalapo, sona akubefya abakayidi mujele nukubapa umutende. Loli abantu abakusambuka akubachimbizizya kuchisu ichumizu.

Ukufuma 2:25

U Chala akabwennya ubuzya ubwa ba Izilayeli, po akapalamasiwa nkani mumoyo.

Ukufuma 22:22

“Utakasendelayepo ulusako pa bakolo abafwilwe pamo abana abalanda.

Ukufuma 22:26

Nanti wasenda umwenda uwa mupalamani wako pakuba chikole, umunyosezye bo izuba litinjiye

Ivyili 15:25

U Mwene akuyimongolannya inyumba iya muntu uwa mituvyo, loli akuyenelezya impaka izya mukolo umufwilwe.

Ivyili 15:3

Amaso agha Mwene ghakwennya posi na posi, ghakubenelezya ababibi na biza bulo.

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yelemiya 16:17

Pakuti amaso ghane ghakuzyennya inkalo zyabo zyosi imbibi, batavwamite kukwane napo panandi, sona yitalipo nayimoyimo imbibi yiyo intayimenye

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Yelemiya 49:11

Baleke abana abalanda, nkwiza pakubusungilila ubumi bwabo. Bope abakolo abafwilwe bakwiza pakunsubila.”

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Nkuto 3:59

Wee Mwene, wavyennya ivibibi vivyo abantu bambombelagha, po undongelaye inongwa yane.

Nkuto 3:60

Awe wabennya namumo bantanizizyanga, sona na vyosi vivyo babatikite pakumbombela.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Yoweli 3:4

“Nkimba u Tile nu Sidoni poka ni chigaba chosi icha Filisiti, muli na mbombo yoni nane? Nkimba mukuntanizya pa zizyo nabomba? Nanti naloli mukuntanizya, nane bulo nkwiza pakubatanizya lubilolubilo pa zizyo mwabomba.

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Ukukumbusya Amalamulo 10:18

Akubalwila abana abalanda na bakolo abafwilwe. Akubaghana abayeni babo bakwikala pakasi papinyu, sona akubapa ichakulya na menda.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

1 Pitala 4:19

Polelo abantu babo bakuyimba pachifukwa icha bwighane ubwa Chala, biyipe bene kwa Mupeli wabo, yuyo akusungilila ilayizyo lyache, sona bendelele pakubomba ubwiza.

1 Pitala 5:7

Mumutulile ukupasya kwinyu kosi, pakuti akubapasikizya amwe.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.