Masalimo 1:5 - IBAYIBOLO 2024

⁵ Bo u Chala akubalonga abantu ababibi, batakwiza pakwimilila, sona akwiza pakubefya ababomba mbibi pakasi pabantu abagholosu.

Masalimo 1:5 Iomraidhean Croise

Masalimo 24:3

Nkimba wewenu yuyo angakwela pighamba ilya Mwene? Nkimba wewenu yuyo angimilila pabuzilo bwache ubuzelu?

Masalimo 26:9

Utakanzimizyanje poka na babomba mbibi, pamo ukunangannya poka na baghoghi.

Masalimo 5:5

Abakwitutumula batangafika pamaso papako, sona ubabengite bosi ababomba imbibi.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

Matayi 13:49

Momumo kukwiza pakubela pabumalilo ubwa chisu ichapasi: Abantumi bakwiza pakubuka pakwefya abantu ababibi pakasi pabantu abiza,

Matayi 25:32

Po abantu aba inko zyosi bakwiza pakubungana poka pamaso papache. Akwiza pakubagaba pabili ukuyana namumo umudimi akupaghulila ing'ozi ni mbuzi.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Yuda 1:15

pakubalonga ababomba mbibi bosi, babo batakumwiputa u Chala pachifukwa chakuti batakumunyila u Chala sona napachifukwa icha mazyu aghakoghofya ghagho abantu babo batamumenye u Chala bakumusamula nagho.”