Masalimo 1:3 - IBAYIBOLO 2024

³ Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Masalimo 1:3 Iomraidhean Croise

Ubwandilo 39:23

Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.

Ubwandilo 39:3

yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha.

2 Abamwene 18:7

U Mwene akaba nawe, po ivintu vyosi vivyo akabombagha vikamwendelagha akiza. U Hezekiya akamusambukila u mwene wamu Asiliya, umwakuti akakana pakumubombela.

1 Imbili 22:11

“Wee mwana wane, u Mwene abanje nawe, sona ivintu vikwendelaye akiza umwakuti umuzengele Inyumba u Mwene u Chala wako ukuyana namumo akanenela.

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

2 Imbili 31:21

Ivintu vikamwendelagha akiza nkani u Hezekiya pachifukwa ichakuti pavyosi vivyo akabombagha mu Nyumba iya Chala pamo ukukonka indaghilo, akamulondelezya nkani u Chala wache nukumubombela nu moyo wache ghosi.

2 Imbili 32:23

Abantu abinji bakiza ku Yelusalemu ni vyabupi kwa Mwene, sona ni vyabupi ivyapamwanya kwa mwene u Hezekiya uwamu Yuda. Ukwanda pakabalilo kalakala abantu aba inko izinji zyosi bakamuchindikagha nkani u Hezekiya.

Yobu 14:9

pope bulo nanti chang'wela amizi chikwiza pakulemba sona amani nukuba nu tusamba ngati kakwi akateta.

Yobu 22:28

Chicho wadumula, chikwiza pakubombiwa, sona ulukozyo lukwiza pakukulamila muzila zyako.

Masalimo 128:2

Ukwiza pakulyanga ivikomwa ivya mbombo zyako, ukwiza pakuba we musayiwa, sona ivintu vikwiza pakukwendelagha akiza.

Masalimo 129:8

Babo bakudumusannyapo batakatinji, “U Mwene akusaye! Tukukusaya mwitabwa ilya Mwene.”

Masalimo 92:14

Napapo bangaghosipa, pope bulo bakwiza pakwela ivikomwa, ghakwiza pakuba mabisi sona ghamaka.

Masalimo 92:15

Mulumbilile mutinji, “U Mwene mugholosu akabalilo kosi, we lyalabwe lyane, sona butalimo ububibi nabumobumo mumwache.”

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yesaya 44:4

Bakwiza pakumela ngati lisote lilyo limelite muchisu icha mizi, ngati mafyomi ghagho ghamelite mulubazu ulwa tusoko tuto tukwenda.

Yesaya 58:11

U Mwene akwiza pakukulongozya akabalilo kosi, nukubapa ivintu ivyiza, nukubapa amaka mumabili ghinyu. Mukwiza pakuba ngati mughunda, ghugho ghusembeliwe akiza, ngati chiziba chicho amizi ghatakumalamo.

Yelemiya 17:8

Akwiza pakuba ngati likwi lilyo libyaliwe mulubazu ulwa lusoko lilyo amagululuzi ghache ghakutabila kulusoko. Litakunyilapo nu butukizu, akabalilo kosi amani ghache mateta. Litakupasyapo nululanga, sona litakupotwa pakwela ivikomwa.”

Ezekiyeli 17:8

Likabyaliwa mwitope ilyiza papipi na mizi aminji umwakuti lingaba nisamba nukwela ivikomwa sona nukuba likwi ilya mampesya ilya kuchindikiwa.’

Ezekiyeli 19:10

“ ‘Unyoko akaba ngati mampesya, mumughunda wako uwa mampesya, ghagho ghakabyaliwa papipi na mizi. Ghakelagha ivikomwa sona ghakaba nisamba inyinji, pachifukwa icha bwinji ubwa mizi.

Ezekiyeli 31:5

Loli ikwi lila likakula mupaka pamwanya ukughachila amakwi aghanji, isamba zyache zikaba ntali, pachifukwa ichakuti likaba na mizi aminji.

Ezekiyeli 47:12

Ivikomwa ivya luko lwakulekanalekana vikwiza pakumela mumbazu zyosi zibili izya lusoko. Amani ghache ghatakwiza pakufoka, pamo pakupotwa pakwela ivikomwa vyache. Vikwiza pakwela umwezi nu mwezi, pachifukwa ichakuti amizi aghakufuma mu Nyumba iya Chala ghakughasembelela amakwi ghala. Ivikomwa vyache vikwiza pakuba vyakulya, sona amani ghache ghakwiza pakuba ghakuposezya abantu.”

Ukubelengiwa 24:6

Abantu bako bali ngati gho makombe ghagho ghasatite, bali ngati gho maghunda agha mulubazu ulwalusoko, bali ngati we aloyi yuyo abyaliwe nu Mwene, bali ngati gho makwi agha mwale ghagho ghamelite mulubazu ulwa mizi.

Matayi 13:6

Loli bo izuba lyakwela, imbeyu zila zikababuka pakuti amagululuzi ghakaba ghachili ghatayiye nkani pasi, sona imbeyu zila zikuma.

Matayi 21:19

Akachennya ichikuyu mulubazu mumusebo nukubuka palapala, atakavyaghamo ivikomwa ivya makuyu, loli amani ghene. Po akachibuzya ichikuyu chila akati, “Wee chikuyu, ute ukele sona nalumo ivikomwa!” Panapo na panapo ichikuyu chila chikuma.

Matayi 21:34

Bo akabalilo kakwana akakuyabila amampesya, umuntu yula akabatuma abambombo bache ku balimi bala pakumusendela amampesya ghache.

Matayi 21:41

Bakamula bakati, “Bakwiza pakubaghogha abantu ababibi bala nukubazimya umughunda abalimi abanji, babo bakwiza pakumupa amampesya ghache pakabalilo akiza.”

Yohani 15:6

Umuntu wesi yuyo atakwikala mumwane akusumbiwa kuzi ngati ko kasamba nukumila. Utusamba ngati to utu bakutubungannya poka nukusumbiwa pamoto, nukochiwa.

Ukukumbusya Amalamulo 28:8

U Mwene, u Chala winyu akwiza pakuzisaya imbombo zyinyu zyosi, nukwizuzya intamba zyinyu. U Mwene u Chala winyu akwiza pakubasaya muchisu chicho akubapa.

Yuda 1:12

Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Ubuvumbuli 22:2

Lukadumusannyanga pakasi na pakasi pamusebo uwa akaya akakulu nkani. Kulubazu losi ulwa lusoko lula kukaba ikwi ilya bumi, lilyo likwela ivikomwa aka 12 pa mwaka, umwezi nu mwezi, sona amani ghache ghakuposezya nagho inko izya bantu.