Masalimo 1:1 - IBAYIBOLO 2024

¹ Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,

Masalimo 1:1 Iomraidhean Croise

Ubwandilo 49:6

Wee moyo wane, utakinjililayemo mulukomano lwabo. Wee muzimu wane, utakinjililayemo mutubukatila twabo. Pakuti mubukalale bwabo bakughogha abantu, sona muvinyonywa vyabo bakuzivulazya ing'ombe.

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

1 Abamwene 16:31

Loli u Ahabu akabomba vivyo u mwene u Yelobowamu akabomba. Akananga nkani pakumusenda u Yezibeli umwana uwa mwene u Etibala umu Sidoni pakuba muchi wache. Po akanda pakumwiputa nukumubombela u Baala.

2 Imbili 22:3

Wepe u Ahaziya akananga pakubomba zizyo abamunyumba iya Ahabu bakabombagha, pakuti unyina weyuyo akamumanyisya pakubomba bunubu.

Yobu 10:3

Nkimba chingakuhobosya nanti ukunjivya, nanti ukuzinsulannya imbombo izya nyobe zyako? Nkimba chingakuhobosya nanti ukwennya zizyo abantu ababibi bakulonda pakumbombela?

Yobu 21:16

Te momumo ukuti ivintu vikubendela akiza chifukwa icha mbombo izya nyobe zyabo, ubulongozi ubwa bantu ababibi buli kubutali nane.

Yobu 31:5

Nanti natamanta pamo ichinama chane chachimbilila pakubazimbula abantu,

Masalimo 1:6

Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.

Masalimo 106:3

Basayiwa babo bakubombela mubwanaloli, babo akabalilo kosi bakubomba ingolosu.

Masalimo 112:1

Mumupalaye u Mwene. Musayiwa umuntu yuyo akumuchindika u Mwene, yuyo akuhoboka nkani pakughakonka amalamulo ghache.

Masalimo 119:115

Mwe babomba mbibi, epako kukwane, umwakuti ingakonkaye amalamulo agha Chala wane.

Masalimo 144:15

Basayiwa abantu babo bakupokela ulusayo lunulu. Basayiwa abantu babo u Mwene we Chala wabo.

Masalimo 146:5

Musayiwa umuntu yuyo umwavwilizi wache we Chala uwa Yakobo, yuyo amusubiye u Mwene u Chala wache,

Masalimo 146:9

U Mwene akubasungilila abayeni, sona akubavwa abana abalanda na bakolo abafwilwe, loli akubavulungannya abantu ababibi.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 26:12

Inyayo zyane zyimiliye pabuzilo ubutenganu, po nkwiza pakumupalagha palukomano ulukulu nkani.

Masalimo 34:8

Mumuyezyanje, po mukwiza pakumanya ukuti u Mwene mwiza. Musayiwa umuntu yuyo akuchimbilila kukwache.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 64:2

Mpoka kumbatiko izya bantu ababibi, sona umpokaye kuvintu ivibibi vivyo amavyondongo ghakulonda pakumbombela.

Masalimo 81:12

Po nkabaleka bulo na moyo ghabo amakafu, umwakuti babombaye vivyo bakuvilondagha.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Ivyili 1:15

Wee mwana wane, utakabukaye poka nabo, utakachele pakukanya izila zizyo bakwendamo.

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ivyili 13:15

Abantu bakuhobokagha nu muntu uwamahala, loli izila iya muntu yuyo ate na mahala mpalapala.

Ivyili 13:20

Umuntu yuyo akwenda nu muntu uwamahala, wepe akubanga wamahala, loli yuyo amanyanite nu mupunganu akwiza pakunangika.

Ivyili 19:29

Ukunanganika kukumulindililagha umuntu uwalobezyo, sona indisa yikulindagha po panyuma iya mupunganu.

Ivyili 2:12

Amahala ghakwiza pakukupoka munyobe izya bantu ababibi, munyobe izya bantu aba neno imbibi.

Ivyili 3:34

U Mwene akumusamula umuntu uwalobezyo, loli akumupelela ichisa umuntu uwakwiyisya.

Ivyili 4:19

Loli izila iya bantu ababibi yili ngati chisi ichakoghofya, batakuchimanya na chicho chibapunuzizye.

Ivyili 9:12

Nanti we wamahala, amahala ghako ghakwiza pakukupa umuvwalo, nanti we walobezyo, ukwiza pakuba muntamyo.

Yelemiya 15:17

Intakikala poka na bantu abantuko, intakasekelela poka nabo, nkikala nemwene, pachifukwa ichakuti inyobe yako yikaba papane sona umoyo wane ghukizula nubukali.

Yelemiya 17:7

“Musayiwa umuntu yuyo ali nu lusubilo mwa Mwene, yuyo abikite umoyo wache ghosi mu mwache.

Ezekiyeli 20:18

Nkababuzya abana babo munkolongo ukuti, “Mutakazikonkaye indaghilo izya banyenya binyu pamo ukusunga amalamulo ghabo pamo pakwinyazya mwebene ni vifwani vyabo.

Matayi 16:17

U Yesu akamula akati, “Wee musayiwa, Simoni umwana uwa Yohani. Pakuti ubwanaloli ubu bute ubwa bantu, loli bukapeghiwa kukwako nu Tata wane uwakumwanya.

Luka 11:28

Loli u Yesu akamula akati, “Awe, basayiwa babo bakwivwa amazyu agha Chala nukughivwila.”

Luka 23:51

Atakitinkana ni nyinong'ono, sona ni mbombo zyabo. Akafuma ku Yudeya mukaya aka Alimatiya, po akalindiligha Ubumwene ubwa Chala.

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Yohani 20:29

U Yesu akamubuzya akati, “Nkimba ukusubila pachifukwa ichakuti wanyennya? Basayiwa babo bakusubila bo batanyenizye.”

Aba Loma 5:2

Ukwendela mumwache atwighulila izila ukwendela mu lwitiko ukuti tuchimanye ichisa icha Chala, chicho tuli nacho losi ulu. Po zagha tusekelaye, bo tukulindilila ukugabana nabo ubuchindamu ubwa Chala.

Aba Efeso 6:13

Polelo vwala ivilwilo ivya Chala, umwakuti mwimaye nkani pisiku lilyo mukwiza pakukomana ni vintu ivibibi, sona bo mwamala pakubomba vyosi ukuti mwimaye.

Ukukumbusya Amalamulo 14:6

Mungalya ichinyamana chosi chicho inyayo zyache zigabinkanite pabili sona chitakubukula.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.