Malaki 4:6 - IBAYIBOLO 2024

⁶ Akwiza pakubasayannya abawise na bana babo, lumo ningiza nukuchighuna ichisu.

Malaki 4:6 Iomraidhean Croise

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 24:6

Polelo ichighune chikulungulizya ichisu, po abantu babo bakuyimba pachifukwa icha bubibi bwabo, cho chifukwa baba banandi bulo babo balekiwa.

Yesaya 40:3

Izyu ilya muntu yumo likukolomoka munkolongo likuti, “Yannya izila iya Mwene, gholosya umusebo uwa Chala witu munkolongo!

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yesaya 61:2

pakufumusya umwaka uwa chisa icha Mwene nisiku ilyakutanizizya ilya Chala witu, pakubasangalusya bosi babo bakulila,

Yesaya 65:15

Mukwiza pakubalekela abasaliwa bane, itabwa lyako ilya chighune, po u Mwene Uwamaka Ghosi akwiza pakukughogha. Loli ababombi bache akwiza pakubita itabwa ilinji.

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Zekaliya 11:6

Pakuti ntakwiza pakuba ni chisa na bantu aba muchisu chilachila. Nkwiza pakumubika umuntu wesi munyobe izya mupalamani wache nu mwene wache. Bakwiza pakuchiyivya ichisu, sona ntakwiza pakubapoka munyobe zyabo.” U Mwene anena.

Zekaliya 13:8

U Mwene akuti, “Muchisu chosi ivigaba vibili ivyavigaba vitatu, ivya bantu vikwiza pakughoghiwa, loli ichigaba choka ichavigaba vitatu chikwiza pakuba nubumi.

Zekaliya 14:12

Ichi cho chiwaya chicho u Mwene akwiza pakuzifunda nacho inko zyosi, zizyo zikalwa ubwite nu Yelusalemu: Amabili ghabo ghakwiza pakubola bo bimiliye, amaso ghabo ghakwiza pakubola, sona zyope indimi zyabo zikwiza pakubola mumalomo ghabo.

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.

Zekaliya 5:3

Po akambuzya akati, “Yiniyi yo nguno yiyo nkuyipungulila pachisu chosi ichapasi. Ukuyana namumo likunenela kulubazu loka, pakuti umwiba wesi akwiza pakwefiwapo. Zisimbiwe sona ukuti umuntu wesi yuyo akulapa ivyabumyasi wepe efiwanjepo ukuyana na zizyo zisimbiwe ulubazu ulunji lula.

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.

Maliko 11:21

U Pitala akakumbuka chicho chikabombiwa nukumubuzya u Yesu ukuti, “Wee Mumanyisi, ennya, ichikuyu chicho ukachighuna chumiye!”

Luka 1:76

Wee mwana wane, ukwiza pakwitiziwa mulaghuzi uwa Chala Uwakumwanya Nkani. Ukwiza pakulongolela kuntazi ukwa Mwene pakumuyanizya umusebo wache.

Aba Hebeli 6:8

Loli nanti likumezya amivwa ni sote, lite ni mbombo, sona bo lili papipi nukughuniwa. Po ubumalilo bwache ko kochiwa pamoto.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 22:3

Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumwiputa.