Malaki 4:4 - IBAYIBOLO 2024

⁴ “Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Malaki 4:4 Iomraidhean Croise

Yesaya 42:21

Zikamuhobosya u Mwene, pachifukwa icha bugholosu bwache, akalonda pakulupela ululaghilo lwache pakuba lukulu nkani nu luchindamu.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Aba Loma 3:31

Nkimba ichi chikung'anamula ukuti tukunanga Indaghilo nu lwitiko lwitu? Awe, napo panandi. Loli tukuzipela Indaghilo pakuba zyamaka.

Ukukumbusya Amalamulo 4:10

Mubabuzye nkaninkani nizya isiku lilyo mukimilila pamaso pa Mwene u Chala winyu pighamba ilya Sinayi. Kulakula akambuzya akati, “Ubabungannye abantu. Nkulonda ukuti bivwe amazyu ghagho nkwiza pakunena, umwakuti banganyila pakabalilo kosi aka bumi bwabo, sona nukuti bangabamanyisya na bana babo bulo.”

Ukukumbusya Amalamulo 4:23

Muchebaye nkani ukuti mutakaluvyanje ulufingo lulo u Mwene u Chala winyu akafingana namwe. Mutakipangilaye mwebene nachimochimo ichifwani icha chintu chosi chicho u Mwene u Chala winyu akabakanizya.

Ukukumbusya Amalamulo 5:2

U Mwene u Chala witu akafingana naswe ulufingo pighamba ilya Sinayi.

Ukukumbusya Amalamulo 8:11

Mwenelezye nkani ukuti mutakamuluvyanje u Mwene u Chala winyu. Mutakapotwe pakughakonka amalamulo ghache ni ndaghilo zyache zizyo nkubapa ilelo.

Ukukumbusya Amalamulo 8:19

Mutakamuluvyanje u Mwene u Chala winyu nukubakonka abachala abanji ukuti mubiputaye. Ane ne kaboni winyu ukuti nabasoka ilelo, po mukwiza pakunanganika.