Malaki 4:3 - IBAYIBOLO 2024

³ “Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.

Malaki 4:3 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

2 Samuweli 22:39

Nkabavulazya nkani po batakanyamuka sona, nkabakanyilila ni nyayo zyane.

2 Samuweli 22:43

Nkabasya ngati lufumbi lulo lukupupuziwa ni mpepo, sona nkabakanyankila ngati matope agha mumusebo.

Yobu 40:12

umwenelezye umuntu wesi uwa mituvyo nukumukozya isoni, nukubasya ababibi bosi papo bimiliye.

Masalimo 147:6

U Mwene akubakwezya abantu abakwiyisya, loli akubisya pasi abantu ababibi.

Masalimo 49:14

Babukaye kuchisu icha bafwe ngati zyo ng'ozi, ubufwe bukwiza pakuba mudimi wabo. Pandabindabi abantu abagholosu bakwiza pakubalaghilagha, amabili ghabo ghakubola muchisu icha bafwe kako kaya kabo kubutali nutwaya twabo utwiza.

Masalimo 91:13

Ukwiza pakuzikanya inkalamu ni njoka izyakoghofya, momumo ukwiza pakubakanya abana aba nkalamu nu chipili.

Yesaya 25:10

Inyobe iya Mwene yikwiza pakuba pighamba linili, loli aba Mowabu bakwiza pakukanyankiliwa, ngati mumo isote likukanyankiliwa mumumvundo.

Yesaya 26:6

Inyayo zikukanyankila, inyayo izya bantu abakukanyililiwa, sona ni nyayo izya bapina.

Nkuto 1:15

“U Mwene abakana abasilikali bosi abajivu, babo bali pakasi papane. Abitizya abasilikali pakulwa nane, umwakuti abaghogha abasilikali bane bosi abachilumendo. Muchiliba chache ichakufinyilamo amampesya, u Mwene akabakanyankila abantu aba mu Yuda.

Ezekiyeli 28:18

Pachifukwa icha imbibi zyako inyinji nkani, pakubomba ubughulizi bwako muzila zizyo zitabaghiye, wabunyazya ubuzilo bwako ubuzelu, po nkatuma umoto pakasi papako, ghugho ghukakulungulizya, nukukwandula pakuba litoyi, bo umuntu wesi akukwennya.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.

Malaki 3:17

U Mwene Uwamaka Ghosi akuti, “Bakwiza pakuba bantu abane na bane pisiku lilyo nkubomba imbombo yane. Nkwiza pakuba ni chililizi ngati mumo umupapi akubela kumwana wache, yuyo akumubombela.

Aba Loma 16:20

Po u Chala umwenecho uwa mutende akwiza pakumusya u Satana ni nyayo zyinyu. Ichisa icha Mwene witu u Yesu Kilisitu chibanje namwe.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 14:20

Amampesya ghala ghakakanyiwa muchiliba ichakukanyilamo amampesya kuzi ukwa kaya akakulu, sona muchiliba ichakukanyilamo amampesya chila mukafuma ibanda, lilyo likafuluka ngati lusoko mupaka amamita 3,000, sona ubwibizu bwache mupaka amamita mabili.