Malaki 4:2 - IBAYIBOLO 2024

² Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Malaki 4:2 Iomraidhean Croise

2 Samuweli 23:4

ayanite bulo ngati kulama ukwa izuba bo likufuma, ngati kulama ukwa izuba pisiku lilyo kute amabingu. Akulama ngati lizuba bo ivula yaleka bulo pakutima, yiyo yikumezya isote pachisu ichapasi.’

Masalimo 103:3

U Mwene weyuyo akukuhobokela imbibi zyako zyosi, sona akubupozya ububine bwako bosi.

Masalimo 147:3

Akubapozya babo bavulaye amoyo, nukubapinya ivilonda vyabo.

Masalimo 61:5

Wee Chala, wavyivwa ivilapo vyane, po wampa ichilingo chicho bakupokela abantu babo bakulichindika itabwa lyako.

Masalimo 67:1

U Chala atupelelaye ichisa nukutusaya, sona icheni chache chitulamiye.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Masalimo 85:9

Naloli ubupoki buli papipi na bantu babo bakumunyila, po ubuchindamu bwache bubanjeko pachisu chitu.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Yesaya 30:26

Umwezi ghukwiza pakulama ngati lizuba, ukulama kwizuba kukwiza pakulama amasiku seveni, ngati kulama ukwa masiku ghosi seveni, bo u Mwene akubapinya ivilonda abantu bache nukubapozya mumo bavulala.

Yesaya 35:6

Umulemazu akwiza pakunyela ngati mbabala, ululimi ulwa chinunu lukwiza pakukolomoka umwalusekelo. Pakuti imbwibwi zikwiza pakwighuka munkolongo, tope utusoko tukwiza pakwenda munkolongo.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Yesaya 53:5

Akalasiwa pachifukwa icha mbibi zyitu, akavulaziwa pachifukwa icha bubibi bwitu. Ulufundo lulo lukiza nu mutende papitu lukaba papache, sona ivilonda vyache vyatupozya.

Yesaya 9:2

Abantu babo bakwenda muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Yelemiya 30:17

Loli nkwiza pakubapozya ku bubine bwinyu, sona nkwiza pakumazya ivilonda vyinyu pachifukwa ichakuti mukwitiziwa ukuti mwe bantu abakuzi, sona atalipo nayumo uwakumupasikizya u Ziyoni.”

Yelemiya 33:6

“Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Ezekiyeli 47:12

Ivikomwa ivya luko lwakulekanalekana vikwiza pakumela mumbazu zyosi zibili izya lusoko. Amani ghache ghatakwiza pakufoka, pamo pakupotwa pakwela ivikomwa vyache. Vikwiza pakwela umwezi nu mwezi, pachifukwa ichakuti amizi aghakufuma mu Nyumba iya Chala ghakughasembelela amakwi ghala. Ivikomwa vyache vikwiza pakuba vyakulya, sona amani ghache ghakwiza pakuba ghakuposezya abantu.”

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Malaki 3:16

Po abantu babo bakumunyila u Mwene bakanenezannya, u Mwene akabateghelezya nukubivwa. Ibuku ilya chikumbusyo likasimbiwa Pantazi papache ukuyana na babo bakamunyila nukumuchindika.

Matayi 11:5

Abafwamaso bakwennya, babo bafuye ivinama bakwenda, na bamambombo bakuswepa, na bamapuli bakwivwa, na bantu abafwe bakuzyuka kubufwe, sona Amazyu Amiza ghakulumbililiwa pakasi pabantu abapina.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Luka 1:78

U Chala witu wachisa nkani. Akwiza pakututumila ulukozyo ulwa kumwanya,

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:4

Mumwache mukaba ubumi, po sona ubumi ubu bukaba lukozyo ulwa bantu.

Yohani 1:8

U Yohani atakaba we lukozyo, loli akiza bulo pakubabuzya abantu nizya lukozyo lula.

Yohani 12:40

“U Chala ighalila amaso ghabo, nukukazya inyinong'ono zyabo, umwakuti amaso ghabo ghaleke pakwennya, ni nyinong'ono zyabo zileke pakwivwisya, nukuti baleke pakupindukila kukwane ukuti imbapozye.”

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

Yohani 9:4

Bo kuchili musanya, tubaghiye pakubomba imbombo iya yuyo akantuma. Ubusiku bukwiza bubo nayumo umuntu atangabomba imbombo.

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Imbombo 13:47

Pakuti u Mwene akatupa ilamulo ilyakuti, ‘Nakubika awe pakuba lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.’ ”

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

2 Aba Tesalonika 1:3

Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi.

2 Pitala 1:19

Polelo tuzimenye ukuti amazyu agha balaghuzi ghanaloli. Chingaba chizapo ukuti ilelo mughasende pakuba lukozyo, lulo lukulama muchisi mupaka kubuche, bo ulutondwa ulwa kubuche lwanda pakulama mumoyo ghinyu.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

1 Yohani 2:8

Loli indi pakubasimbila ilamulo ilipya. Ubwanaloli bwache bukuboneka mumwache sona mumwinyu, pakuti ichisi chikumala, ulukozyo ulwenecho lwandite kale pakulama.

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 2:28

Nkwiza pakubapa ulutondwa ulwa kubuche.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:2

Lukadumusannyanga pakasi na pakasi pamusebo uwa akaya akakulu nkani. Kulubazu losi ulwa lusoko lula kukaba ikwi ilya bumi, lilyo likwela ivikomwa aka 12 pa mwaka, umwezi nu mwezi, sona amani ghache ghakuposezya nagho inko izya bantu.

Luti 2:12

U Mwene u Chala uwa ba Izilayeli, yuyo ukuponelamo muvipapande vyache, akupe umuvwalo umukulu nkani, pachifukwa icha vyiza vyosi vivyo wabomba.”