Malaki 4:1 - IBAYIBOLO 2024

¹ U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Malaki 4:1 Iomraidhean Croise

Yobu 18:16

Amagululuzi ghache ghumila, sona zyope isamba zyache zikufoka.

Masalimo 119:119

Ababibi bosi aba muchisu ichapasi, ukubapima pakuba mintu bulo, loli ane ingaghanite amalamulo ghako.

Masalimo 37:9

Pakuti abantu ababibi bakwiza pakunyunkuliwa, loli babo bamusubiye u Mwene bakwiza pakuchipyana ichisu.

Ukufuma 15:7

Mubukulu bwako ubwamaka, ukabasumbila pasi abalwani bako. Nu bukali bwako ubwakwaka ngati moto, ukabocha ngati lisote.

Yesaya 40:24

Bali ngati vibyalwa iviteta ukwanda papo bakabyalila, vivyo amagululuzi ghache ghachili, nukwisimika pasi, nanti u Chala afutilapo umuyi vikufoka, sona ukankungu akuvipupuzya ngati lyelelo.

Yesaya 41:2

“Nkimba wewenu yuyo akiza nu mupoti uwa kubufumilo bwizuba, akapotagha mosi mumo akendagha? Akuzibika inko izya bantu munyobe zyache, po abamwene bakabakanyila pasi ni nyayo zyache, nupanga wache akabakoma ngati lufumbi, po ubwele bwache bukabanyampannya ngati lyelelo

Yesaya 47:14

Naloli bakwiza pakuba ngati lyelelo, umoto wukwiza pakubocha. Batakingipoka bene, kumaka agha ndimi izya moto. Pano pate amazimwa agha kumutukizya umuntu yumo, pano pate umoto uwakotapo.

Yesaya 5:24

Polelo, ngati mumo akampesese aka moto kakochela amapembezannya sona ngati mumo isote ilyimizu likupyela mumoto, po amagululuzi ghache ghakwiza pakubola, sona ubwezya bwache bukwiza pakubuluka ngati lufumbi, pakuti bakana ululaghilo ulwa Mwene Uwamaka Ghosi, nukukana izyu ilya Muzelu uwa Izilayeli.

Yesaya 9:18

Naloli ububibi bukwaka ngati moto ukocha abantolovu na mivwa, ukocha umusitu, sona ilyosi lyache likukwela kumwanya ngati libingu.

Yesaya 9:19

Pachifukwa icha bukali ubwa Mwene Uwamaka Ghosi ichisu chikwiza pakupya sona abantu bakwiza pakuba nkwi izya moto, atalipo nayumo yuyo akwiza pakumupelela ichisa uwamwabo.

Ezekiyeli 20:38

Nkwiza pakubefyapo pakasi papinyu abantu babo bakansambukila nukunangila. Napapo nkwiza pakubefyamo muchisu chicho bakikalaghamo, loli pope bulo batakwiza pakwinjilamo muchisu icha Izilayeli. Po mukwiza pakumanya ukuti ane ne Mwene.

Ezekiyeli 21:32

Ukwiza pakuba nkwi izya moto, ibanda lyako likwiza pakukupukila muchisu chako, atalipo nayumo yuyo akwiza pakukumbukapo sona, pakuti ane ne Mwene nanena.’ ”

Ezekiyeli 24:11

Po piya isonta pamazimwa, yiyo yite nacho chimo, mupaka yipye nkani, ukuti ichela chache chichesame, umwakuti ivinyazu vyosi, vivyo vilimo visunguluke, sona uluzima lwache losi lumale.

Ezekiyeli 34:17

“ ‘U Mwene Uwamaka Ghosi akuti: Loli amwe mwe ng'ozi zyane nene nkwiza pakuyilonga ing'ozi yokayoka, sona pakasi pa dubi ni mbuzi.

Ezekiyeli 7:10

“Ennya, isiku lyafikila! Lyafika kale! Ubufwe bwafika, ububibi bwinyu bwabazya ngati bwezya, sona ukwituvya kwinyu kuli pabuzelu!

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Amosi 2:9

“Nkabanangannya aba Amoli pamaso papabo, napapo bakaba batali ngati likwi ilya mwale, abamaka ngati likwi ilya mupandapanda. Nkavinangannya ivikomwa vyache sona na magululuzi ghache.

Obadiya 1:18

Abaluko ulwa Yakobo bakwiza pakuba ngati moto, sona abaluko ulwa Yosefu bakwiza pakuba ngati ndimi iya moto. Loli abaluko ulwa Esabu bakwiza pakupya, ngati mumo umoto ghukochela ivizinka. Atakwiza pakubako nayumo uwakupona pabaluko ulwa Esabu.” U Mwene anena.

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.

Zefaniya 1:14

Isiku ikulu ilya Mwene lili papipi sona likwiza umwalubilolubilo. Teghelezya! Ukulila pisiku ilya Mwene kukwiza pakubaba nkani, kulakula bope abasilikali abajivu nkani bakwiza pakukolomoka.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Zekaliya 14:1

Isiku ilya Mwene likwiza, lilyo ivintu vivyo vikafyuliwa kukwako vikwiza pakugabiwa pakasi papinyu.

Malaki 3:15

Po ilelo tukubapima abamituvyo pakuba basayiwa. Naloli ababomba mbibi ivintu vikubendela akiza, sona nanti bakumuyela u Chala ichintu ichibibi chitakubawila.’ ”

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

Malaki 3:2

Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Malaki 3:3

Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Malaki 4:5

Bo isiku ikulu nkani ilya koghofya ilya Mwene litakwanite nkwiza pakubatumila umulaghuzi u Eliya.

Matayi 3:12

Ali nuluselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa numoto, ghugho ghutakuzimapo nalumolumo.”

Luka 19:43

Akabalilo kakwiza bo abalwani bako bakwiza pakukuzyungulila kosi na kosi. Bakwiza pakubakanizya abantu bako pakufuma kuzi nukwinjila mukasi.

Luka 21:20

“Nanti mukwennya u Yelusalemu azyunguliliwe na balwani, muzimanye ukuti ali papipi pakumongoliwa.

Luka 6:23

Bo vinivi vikubombiwa muhobokaye nukujina nkani, pakuti umuvwalo winyu umukulu nkani wuli kumwanya. Pakuti abanyenya babo bakababombela bunubu abalaghuzi.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

2 Pitala 3:7

Loli na mazyu ghanagha u Chala akuchisunga ichisu ichakumwanya ni chisu ichapasi ichi, umwakuti avinangannye numoto. Akuvisunga mupaka pisiku lilyo akwiza pakubalonga abantu, bo abantu babo batakumunyila u Chala bakwiza pakuzimila.