Malaki 3:8 - IBAYIBOLO 2024

⁸ “Nkimba umuntu angamwibila u Chala? Loli pope bulo mukunyibila. “Mukulalusya mukuti, ‘Nkimba tukukwibila bulibuli?’ “Mukunyibila ichigaba choka pavigaba teni ni ivyakwiyipa.

Malaki 3:8 Iomraidhean Croise

Masalimo 29:2

Mubupalaye ubuchindamu pachifukwa icha itabwa lyache, sona mumwiputaye u Mwene bo akwiza mubuchindamu ubuzelu.

Ivyili 11:24

Umuntu yumo akupa mubwabuke, po akuba muntu umukabi. Uyunji mumama, loli pope bulo akuba mupina.

Yesaya 43:23

Mutanyiziye ni ng'ozi iya chakwiyipa ichakocha, pamo ukunchindika ni vyakwiyipa vyinyu. Ntabang'wamisizye ni vyakwiyipa ivya busu, pamo ukubalitizya nutwakufukizya utwakununkila.

Aba Levi 19:25

Loli mumwaka uwafayivi mungalya ivikomwa vyache, ukuti ivikomwa vila vyele nkani. Ane ne Mwene u Chala winyu.

Zekaliya 5:3

Po akambuzya akati, “Yiniyi yo nguno yiyo nkuyipungulila pachisu chosi ichapasi. Ukuyana namumo likunenela kulubazu loka, pakuti umwiba wesi akwiza pakwefiwapo. Zisimbiwe sona ukuti umuntu wesi yuyo akulapa ivyabumyasi wepe efiwanjepo ukuyana na zizyo zisimbiwe ulubazu ulunji lula.

Malaki 1:13

Po mukuti, ‘Twalita navyo vinivi.’ Zyosi zinizi mukwenda nukumpa inkonto. Bo mukwiza pakubika ivyakwiyipa, vivyo vivulaye pamo vilemaye pamo vibinite, nkimba mukwinong'ona ukuti ningavipokela vinivi ukufuma munyobe zyinyu?” U Mwene anena.

Malaki 1:8

Nanti mukwiza ni chinyamana ichifwamaso pakuba chakwiyipa, nkimba kunuko te kunanga? Nanti mukubika ichinyamana chicho chilemaye pamo chibine pakuba chakwiyipa, nkimba bunubu bute bubibi? Yezya bulo pakuvibika kumulaghili winyu! Nkimba angahoboka namwe? Nkimba angachipokela ichakwiyipa chinyu? U Mwene Uwamaka Ghosi anena.

Matayi 22:21

Bakamwamula bakati, “Vya Kesale.” Po u Yesu akati, “Ivya Kesale mumupe u Kesale; ivya Chala mumupe u Chala.”

Maliko 12:17

Po u Yesu akati, “Ivya Kesale mumupe u Kesale; ivya Chala mumupe u Chala.” Bo abantu bivwa zinizi, amahala ghakabamalila.

Luka 20:25

Po u Yesu akati, “Ivya Kesale mumupe u Kesale; ivya Chala mumupe u Chala.”

Aba Loma 13:7

Po mumulipile umuntu wesi vivyo vimubaghiye: Nanti gho musonko, musonke; nanti gho musonko uwa katundu, musonke ukatundu; nanti umuchizi pamo amapalo vipeghiwe ku bantu babo vibabaghiye.

Aba Loma 2:22

Ukunena ukuti, “Utakalowaye” po nkimba choni chicho awe ukulowa? Awe we uvibengite ivifwani, po nkimba choni chicho ukwiba ivya munyumba iyakwiputilamo ivifwani?

Yoshwa 7:11

Aba Izilayeli babombite imbibi. Abene bakalunangannya ulufingo lulo nkabalamula ukuti balusunge. Bakasenda ivintu vimo ivipaghuliwa, bibite, sona batamanta nukuvifisa ivintu vinivi pakasi pavintu vyabo.