Malaki 3:7 - IBAYIBOLO 2024

⁷ Ukufuma pakabalilo aka banyenya binyu mukepukako ku ndaghilo zyane sona mutakazisunga.” U Mwene Uwamaka Ghosi anena, “Nyokela kukwane po nane nkwiza pakunyokela kukwinyu. “Loli mukulalusya mukuti, ‘Nkimba tunganyokela bulibuli?’

Malaki 3:7 Iomraidhean Croise

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Yesaya 65:2

Akabalilo kosi nkugholosya inyobe zyane, pabantu abakusambuka, babo batakwenda muzila inyiza, bakuzikonka inyinong'ono zyabo,

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 7:25

Ukwandila mwisiku lilyo abanyenya bakepaghamo mu Ijiputi mupaka nilelo, isiku ni siku, kabilikabili, nkabatumila ababombi bane na balaghuzi bane.

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Ezekiyeli 2:3

Akati, “Wee Mwana uwa muntu, nkukutuma kuba Izilayeli, uluko ulwakusambuka lulo lunsambukiye. Abene poka nabanyenya babo bansambukiye mupaka nilelo bulo.

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 20:8

“ ‘Loli bakansambukila ane sona batakanteghelezya, batakavyefyamo ivifwani vivyo bakuvyiputa, pamo pakuvileka ivifwani ivya mu Ijiputi po nkati: Nkwiza pakubapungulila ubukali bwane nukukalala kwane bo bali muchisu icha Ijiputi.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Zekaliya 1:3

Polelo babuzye abantu ukuti: U Mwene Uwamaka Ghosi ati, ‘Nyokela kukwane, po nane nkwiza pakunyokela kukwinyu.’ U Mwene Uwamaka Ghosi anena.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 3:13

U Mwene akuti, “Mwanena amazyu aghakunsusya. “Loli mukulalusya mukuti, ‘Nkimba twa nena vintu vyoni ivyakukususya?’

Matayi 23:27

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Pakuti muyanite bulo na mapumpa ghagho ghapakaziwe ni banya ghagho ghakuboneka akiza kuzi, loli mukasi mwizuye na mafupa ni vintu ivibozu ivinji.

Luka 15:16

Umulumendo yula akanda pakunyonywa amakambi, ghagho ingulube zikalyanga, loli nayumo umuntu yuyo akamupako chimo ukuti alyanje.

Aba Loma 10:21

Loli nizya ba Izilayeli akati, “Umusanya ghosi nkagholosya inyobe zyane pakubapokela abantu babo batakanyivwilagha, sona na babo bakansambukila.”

Aba Loma 10:3

Batazimenye mumo u Chala akubanenela abantu pakuba bagholosu pantazi papache, loli bakuyezya pakubika izila izinji, po batakwibikila bene izila yiyo u Chala akubanenela abantu pakuba bagholosu pantazi papache.

Aba Loma 7:9

Ane nemwene nkaba mumi bo intazimenye indaghilo. Loli bo nanda pakughamanya amalamulo, imbibi yikanda pakuzizimuka,

Ukukumbusya Amalamulo 31:20

Bo nabinjizya muchisu icha mboto, ukuyana namumo nkalapila nabanyenya babo, bakwiza pakuchagha ichakulya chosi chicho bangachilonda, sona bakwiza pakufwasa nkani. Abantu banaba bakwiza pakunkana, bakwiza pakubiputa abachala abanji, nukulunangannya ulufingo lwane.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!