Malaki 3:6 - IBAYIBOLO 2024

⁶ “Ane ne Mwene intakwandukakwanduka. Cho chifukwa amwe mwe baluko ulwa Yakobo mutazimiye zila.

Malaki 3:6 Iomraidhean Croise

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 15:7

U Mwene akamubuzya u Abulamu akati, “Ane ne Mwene yuyo akakwefya mukaya aka Uli muchisu icha Babiloni, ukuti nkupe ichisu chinichi pakuba chako ni chako.”

Ubwandilo 22:16

nukuti, “U Mwene akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene.

Masalimo 102:26

Ivintu vyosi vikwiza pakuzimila, loli ukwiza pakubangako bwila na bwila. Sona vyosi vikwiza pakukulupa ngati menda. Ukwiza pakubandula ngati menda, sona bakwiza pakuchuja.

Masalimo 102:27

Loli awe ukubanga bulabula, sona amaka ghako ghatakwiza pakumalapo nalumo.

Masalimo 102:28

Abana aba babombi bako bakwiza pakwikala pamaso papako, sona abaluko lwako bakwiza pakwikalana pamaso papako.”

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Masalimo 78:57

Abene bakaba bakusambuka sona batakaba basubiliwa, loli bakanyongananyongana bulo ngati kalasilo akakunyongana.

Yesaya 41:13

Ane ne Mwene u Chala wako, nkakulema inyobe yako indilo nukukubuzya ukuti, ‘Utakanyilaye, nkwiza pakukwavwa.’

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 46:4

Napapo mughosipe, nene nkwiza pakubasungilila. Ane nabapela nkwiza pakubavwa, nkwiza pakuba namwe nukubapoka.

Yelemiya 32:27

“Ane ne Mwene u Chala uwa bantu bosi. Nkimba chilipo chimo chicho chipalapala kukwane?

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Hoseya 11:9

Ntakwiza pakufumya ubukali bwane ubwakoghofya, pamo pakumunangannya sona u Efulayimu, pakuti ane ne Chala, tene muntu awe. Ane ne Muzelu indi pakasi papinyu. Ntakwiza nu bukali.

Habakuku 1:12

Wee Mwene, Chala wane Nkimba te wewe we uliko bwila na bwila? Wee Chala wane, we Muzelu wane, tutakwiza pakufwa. Wee Mwene, we wabasala ukuti batulongaye inongwa, wee lyalabwe lyane, sona wewe wabimika ukuti batufundaye.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Aba Loma 5:10

Pakuti tukaba balwani aba Chala, loli akasayana naswe ukwendela mu bufwe ubwa Mwana wache. Pakuti ilelo twaba bamanyani aba Chala, naloliloli tukwiza pakupokiwa ukwendela mubumi ubwa Kilisitu!

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Aba Hebeli 13:8

U Yesu Kilisitu ali mumo abeleye, mumabwila, nilelo, sona bwila na bwila.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

1 Samuweli 15:29

U Chala uwabuchindamu uwa Izilayeli atakutamanta, pamo ukwandula inyinong'ono. Pakuti te muntu ukuti andule inyinong'ono.”