Malaki 3:5 - IBAYIBOLO 2024

⁵ U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Malaki 3:5 Iomraidhean Croise

Ubwandilo 20:11

U Abulahamu akamula akati, “Nkinong'onagha ukuti ataliko nayumoyumo umuntu kuno uwakumunyila u Chala, sona nukuti bakwiza pakungogha pachifukwa icha muchi wane.

Ubwandilo 42:18

Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Yobu 31:12

ngati moto uwakulungulizya. Po ngali walungulizya inyinulo yane yosi.

Yobu 7:2

Ngati muzya yuyo akunyonywa akazundila, pamo ngati waganyu yuyo ali pakulindilila amalipilo ghache,

Masalimo 36:1

Imbibi yikunena mumoyo uwa muntu umubibi, Kutaliko ukumwiputa u Chala pamaso papache.

Masalimo 81:8

“Mwee bantu bane, ivwa kuno, imbasoke, mwee ba Izilayeli, ngali mukanyivwilagha!

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Ukufuma 1:17

Loli abazamba bala bakaba bakumunyila u Chala, po batakabomba zizyo u mwene yula akababuzya ukuti babombe, po bakabaleka abana abalumendo bumi.

Ukufuma 18:21

Loli usalepo abanavuli abamahala pakasi pabantu. Abanavuli banaba babanje bakumunyila u Chala, abasubiliwa, sona babo baghabengite amabeko, nukubimika pakuba balongozi ba tubukatila utwa bantu utwa 1,000 nutwa 100 nutwa 50 sona nutwa 10.

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ukufuma 22:20

“Umuntu wesi yuyo atakubika ivyakwiyipa kwa Mwene, loli akubika ku bachala abanji, aghoghiwanje.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 57:3

Loli zagha kuno amwe, mwe bana abalumendo aba mukolo uwamayele, mwe bana abamukolo umulowe numalaya!

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 27:10

Pakuti bakulaghula ivyabumyasi umwakuti abalwani binyu babasendele kubutali ni chisu chinyu nukuzimila kulakula.

Yelemiya 27:9

Pachifukwa chinichi mutakabivwilaye abalaghuzi binyu, na bantu babo bakunena ivya muntazi na babo bakusanusya ivilota, na babo bakunena ni mizimu iya bantu abafwe pamo abamayele, nanti bakubabuzya ukuti, “Mutakamubombelaye u mwene uwamu Babiloni.”

Yelemiya 29:23

Pakuti babombite ivya bupunganu mu Izilayeli, balowa na bachi aba bapalamani babo, sona banenaye mwitabwa lyane ivyabumyasi vivyo intakababuzyapo ukuti banene. Ane inzimenye sona ne kaboni. Ane ne Mwene nanena.”

Yelemiya 42:5

Po bakamubuzya u Yelemiya bakati, “U Mwene abanje we kaboni uwanaloli sona abanje musubiliwa pakutususya nanti tutakubomba ukuyana na vyosi vivyo u Mwene u Chala wako akukutuma pakutubuzya.

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Yelemiya 5:29

Nkimba ningaleka pakubafunda pa vintu vinivi? Nkimba ningaleka bulibuli pakulutanizya uluko ngati lunulu?” U Mwene anena.

Aba Levi 19:13

“ ‘Utakamuzimbulaye umupalamani wako, pamo ukumwibila ukatundu wache. Utakasungaye amalipilo agha wambombo wako mupaka indabi yache.

Aba Levi 20:10

“ ‘Nanti umuntu akulowa nu muchi uwa mupalamani wache, bosi babili umwanavuli nu mukolo baghoghiwanje.

Aba Levi 20:27

“ ‘Nanti umwanavuli pamo umukolo akunenezannya ni mizimu iya bantu abafwe, aghoghiwanje na mabwe, pachifukwa ichakuti ipalaghulila mwene inongwa.’ ”

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

Habakuku 1:12

Wee Mwene, Chala wane Nkimba te wewe we uliko bwila na bwila? Wee Chala wane, we Muzelu wane, tutakwiza pakufwa. Wee Mwene, we wabasala ukuti batulongaye inongwa, wee lyalabwe lyane, sona wewe wabimika ukuti batufundaye.

Zekaliya 11:12

Nkababuzya nkati, “Nanti mukuchennya ukuti chiza bulo mundipile, loli nanti mutakulonda, banga nazyo.” Po bakandipila isalabazya izya siliva 30.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 2:14

Mukulalusya mukuti, “Nkimba chifukwa choni?” Chifukwa chakuti u Mwene akaba we kaboni uwa pakasi papako nu muchi wako uwakwanda yuyo ukasenda bo wemulumendo, pakuti utakusubiliwa kukwache, napapo umuchi wako uwa kubulumendo yuyo mumanyani wako, yuyo ukafingana nawe ulufingo ulwa sendwa.

Malaki 2:17

Mwamulitizya nkani u Mwene na kanenele kinyu. Mukulalusya mukuti, “Nkimba twamulitizya bulibuli?” Pakunena ukuti, “Umuntu wesi yuyo akubomba imbibi kokuti mwiza pamaso pa Mwene, sona akuhoboka nabo.” Pamo pakulalusya ukuti, “Nkimba ali ko kwiyi u Chala yuyo akubombela mubwanaloli?”

Luka 23:40

Loli ilinji likamuchemela likati, “Nkimba utakumunyila u Chala? Uli pakufundiwa nu lufundo ngati lulo ali pakufundiwa nalo.

Aba Loma 3:8

Po choni chicho tutakunena ukuti, “Zagha tubombe ivibibi ukuti ubwiza bwize”? Naloli abantu bamo bakutusamula pachifukwa ichakuti tukunena ivintu vinivi! Abantu banaba bafundiwanje nkani.

Ukukumbusya Amalamulo 15:13

Bo mukubasatula, batakabwelaye nyobe zyene.

Ukukumbusya Amalamulo 18:10

Patakabepo nayumoyumo umuntu pakasi papinyu uwakumocha pamoto umwana wache umulumendo pamo umulindu ukuti chibanje chakwiyipa. Patakabepo nayumoyumo umuntu uwakulaghula pamo uwamayele nu wakunena ni mizimu iya bafwe pamo umulozi

Ukukumbusya Amalamulo 24:17

Mubalongelaye mubwanaloli abayeni pamo abalanda, sona mutakamufyule umwenda umukolo umufwilwe pakuba chikole.

Ukukumbusya Amalamulo 27:19

“Aghuniwanje umuntu wesi yuyo akusendelapo ulusako pa bayeni, na balanda sona na bakolo abafwilwe.” Po abantu bosi bamule batinji, “Ameni!”

Ukukumbusya Amalamulo 5:11

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

1 Aba Tesalonika 4:6

Pafundo yiniyi, umuntu wesi atakamunangilaye umukamu wache, pamo ukusendelapo ulusako papache. U Mwene akwiza pakumufunda umuntu wesi yuyo akubomba bunubu, ukuyana namumo tukababuzizya kale nukubasoka.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yakobo 5:12

Bakamu bane, pamwanya pavyosi, mutakalapaye ichilapo. Mutakalapilaye na kumwanya, pamo na pachisu ichapasi, pamo ni chintu chosi. Nena bulo ukuti, “Eee” nanti we ee, sona “Awe” nanti we awe. Po mutakwiza pakwaghiwa ninongwa pamaso pa Chala.

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.