Malaki 3:3 - IBAYIBOLO 2024

³ Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Malaki 3:3 Iomraidhean Croise

Masalimo 116:17

Nkwiza pakubika ichakwiyipa ichakupalizikizya kukwako, sona nkwiza pakulyitizya itabwa ilya Mwene.

Masalimo 4:5

Mubikaye ivyakwiyipa ivyenecho, sona mumusubilaye u Mwene.

Masalimo 4:6

Abinji bakulalusya bakutinji, “Nkimba wewenu yuyo angatubombela ubwiza?” Wee Mwene, icheni chako chitulamilaye.

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 51:19

Po vikwiza pakuba ivyakwiyipa ivigholosu, sona ivyakwiyipa vyosi ivyakocha vikwiza pakukuhobosya. Po bakwiza pakubika inkambaku pachighemo chako pakuba chakwiyipa.

Masalimo 66:10

Wee Chala, watuyezya ngati mumo bakuswefyezezya usiliva pamoto.

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Ivyili 25:4

Efyamo ivinyazu mwa siliva, po ufundi akwiza pakubombezya akiza usiliva yula.

Yesaya 1:25

Nkwiza pakubafunda nkani, sona nkwiza pakubaswefya ngati chela mumo chikusunguluziwa pakwefya ububibi bosi.

Yesaya 48:10

Ennya, mumo nabaswefezya, loli ate ngati we siliva awe, nabayezya mumuvuno uwa mayimba.

Yesaya 61:6

Mukwiza pakwitiziwa, pakuba mwe baputi aba Mwene, mukwiza pakuneniwa pakuba babombi aba Chala witu. Mukwiza pakulya ubukabi ubwa inko, sona muvyuma vyabo mukwiza pakwituvikizyamo.

Yelemiya 9:7

Polelo u Mwene Uwamaka Ghosi akuti, “Ennya, nkwiza pakubasekesa nukubayela, pakuti chitalipo nachimochimo chicho ningababombela abantu bane, pachifukwa icha mbibi zyabo.

Ezekiyeli 20:38

Nkwiza pakubefyapo pakasi papinyu abantu babo bakansambukila nukunangila. Napapo nkwiza pakubefyamo muchisu chicho bakikalaghamo, loli pope bulo batakwiza pakwinjilamo muchisu icha Izilayeli. Po mukwiza pakumanya ukuti ane ne Mwene.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukubelengiwa 8:6

“Ubapaghule aba Levi pakasi paba Izilayeli, sona ubaswefye

Luka 3:16

Po u Yohani akababuzya abantu bosi akati, “Ane nkubozya na mizi, loli pisinda papane pakwiza yumo uwamaka ukunchila. Ane intabaghiye napo panandi pakwinama nukusatula utupinyilo utwa nkwato zyache. Akwiza pakubozya nu Muzimu Umuzelu, sona numoto.

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

Aba Filipi 2:17

Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

2 Timoti 4:6

Loli ane, akabalilo kane kakwanite kale akakuti impunguliwe ukuti chibanje chakwiyipa ichakung'wela; akabalilo kane akakubukila kakwana.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 12:10

Abatata bitu aba muchisu ichapasi bakatufunda pakabalilo akapimpa bulo ukuyana namumo bakinong'onelagha ukuti chiza, loli u Chala akutufunda ukuti tukabepo chimo ichiza, umwakuti tungagabana nawe ubuzelu bwache.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

Ubuvumbuli 5:10

Ukabapela pakuba luko ulwa bumwene, nukuba baputi pakumubombela u Chala witu, bakwiza pakulaghila ichisu ichapasi.”