Malaki 3:2 - IBAYIBOLO 2024

² Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Malaki 3:2 Iomraidhean Croise

Ubwandilo 19:28

Akennya utwaya utwa Sodomu nu Gomola ni kombe lyosi lila, nukwennya ilyosi ilyakoghofya likusuka mutwaya mula, lilyo likayana bulo ni lyosi ilyakusuka mumuvuno.

Yobu 28:1

Naloliloli kuli umugodi uwa siliva sona nu buzilo bubo ugolide akusungunuliliwangako.

Masalimo 130:3

Wee Mwene, nanti ukazibelengagha imbibi, nkimba wewenu yuyo angapona?

Masalimo 2:7

Nkwiza pakuzifumusya indaghilo izya Mwene ukuti, “Awe we mwana wane, ilelo naba ne ghuso.

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Ivyili 25:4

Efyamo ivinyazu mwa siliva, po ufundi akwiza pakubombezya akiza usiliva yula.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 33:14

Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”

Yesaya 4:4

U Mwene akwiza pakubozya abakolo aba mu Ziyoni ubunyazu, sona akwiza pakubaswefya kwibanda lilyo bakupula mu Yelusalemu nu muzimu uwa bulongi nuwa moto.

Yelemiya 2:22

Napapo ukoghela itoyi nukubombezya isopo inyinji, pope ubunyazu ubwa mbibi zyako bukuboneka pantazi papane.” U Mwene Uwamaka Ghosi anena.

Ezekiyeli 22:14

Nkimba mukwiza pakuba mwe bajivu pamo bamaka bo nabafunda? Ane ne Mwene nanena, sona nkwiza pakuzibomba.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Matayi 25:10

Loli bo abalindu abapunganu bala babuka pakughula amafuta, umwenesendwa akafika. Abalindu fayivi bala babo bakiyannya, bakinjila nawe munyumba iya lusekelo nukwighalila umulyango.

Maliko 9:3

sona amenda ghache ghakanyezimilagha, ghakaswepa nkani ukuchila namumo umuntu wesi muchisu ichapasi angachapila.

Luka 2:34

U Simiyoni akabasaya nukunena kwa nyina, u Maliya ukuti, “Umwana uyu asaliwe nu Chala ukuti abanje chakubawisya, sona ni chakupoka abantu abinji aba Izilayeli. Akwiza pakuba chimanyilo ichakufuma kwa Chala, chicho abantu abinji bakwiza pakususannya nacho,

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Luka 3:17

Ali nuluselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa numoto, ghugho ghutakuzimapo nalumolumo.”

Luka 3:9

Intemo yiyaniziwe kale pakudumula amakwi pasi pamagululuzi. Ikwi lyosi lilyo litakwela ivikomwa ivyiza likwiza pakudumuliwa nukusumbiwa pamoto.”

Luka 7:23

Basayiwa babo batakwilamwa nane!”

Yohani 8:55

Amwe mutamumenyepo nalumo, loli ane imumenye. Nanti natinji intamumenye, ngali ne mumyasi ngati mwemwe. Loli ane imumenye, sona nkwivwila amazyu ghache.

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.

1 Samuweli 6:20

Abantu aba mu Beti Shemeshi bakalalusya bakati, “Nkimba wewenu angimilila pamaso pa Mwene, u Chala Umuzelu uyu? Nkimba Ibokosi ilya Lufingo ilya Chala uwa Izilayeli tukwiza pakulituma kwiyi, bo lyepako kuno?”