Malaki 2:9 - IBAYIBOLO 2024

⁹ “Polelo nabasamula, sona nabakozya isoni pakasi pabantu bosi, pachifukwa ichakuti mutakivwila ivimanyisyo vyane mukulonga inongwa pakwennya icheni.”

Malaki 2:9 Iomraidhean Croise

1 Abamwene 22:28

U Mikaya akati, “Nanti wanyokako akiza bulo, kokuti u Mwene atanenite ukwendela mumwane!” Po akababuzya babo bakimilila palapala akati, “Mwee bantu mwebosi, mughaleme amazyu ghane.”

Yobu 32:21

Ntakwiza pakwennya icheni icha muntu nayumoyumo, pamo ukunena umwakumuhobosya umuntu awe;

Ivyili 10:7

Umuntu umugholosu akukumbukiwanga ngati lusayo, loli itabwa ilya muntu umubibi likwiza pakuba ngati chintu ichibozu.

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Ezekiyeli 13:21

Nkwiza pakuzepula ivyakuvwinka vyinyu kumutu nukubapoka abantu bane munyobe zyinyu. Batakwiza pakuba munyobe zyinyu sona mutakwiza pakuba namaka aghakubalemela. Po mukwiza pakumanya ukuti ane ne Mwene.

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Nahumu 3:6

Nkwiza pakukupulila ubunyazu, sona nkwiza pakukobezya, nukukupela pakuba chintu ichakusesya.

Malaki 2:3

“Pachifukwa icha amwe, nkwiza pakubachemela abaluko lwinyu, nukubapaka pavyeni vyinyu isakwi iya mumala iya vyakwiyipa vyapalusekelo lwinyu ulwa pamwaka, po nkwiza pakubasumbila pachibunga icha sakwi yilayila.

Malaki 2:8

Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Luka 10:29

Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”

Luka 11:42

“Chighune nkani kukwinyu, amwe mwe ba Falisayi pakuti mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale, sona nu kanyezi. Loli mukukana pakubomba ubwanaloli nukumughana u Chala. Ivi vyo vintu vivyo mubaghiye mubombaye ukusita ukulekapo vimo.

Aba Galatiya 2:6

Loli pakunena nizya babo bakaboneka pakuba balongozi—manyi bakaba bawenu, pate ukulekana kukwane pakuti u Chala atakumulonga umuntu pakwennya bulo icheni, awe—nkunena nizya bantu babo batakasakizyapo nachimo ichintu ichipya pavintu vivyo nkalumbilila.

Ukukumbusya Amalamulo 1:17

Mutakalongaye inongwa pakwennya icheni icha muntu. Mubalongaye abantu bosi umwakuyana bulo manyi muntu wapamwanya manyi muntu bulo. Mutakamunyilaye umuntu nayumoyumo, pakuti ubudumulilo bosi buli munyobe izya Chala. Inongwa zyosi impalapala zyo mwizaye nazyo kukwane, po nkwiza pakudumula.”

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.