Malaki 2:8 - IBAYIBOLO 2024

⁸ Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Malaki 2:8 Iomraidhean Croise

2 Abamwene 16:11

Po umuputi u Uliya akachipanga ichighemo chila ukuyana namumo u mwene u Ahazi akamutumila bo ali mu Damasika, sona akachimalizya bo u Ahazi achili nukunyokako.

Nehemiya 13:29

Wee Chala wane, utakaluvyanje namumo abantu bala bakanyazizya imbombo yako iya buputi sona nu lufingo lulo ukafingana naba Levi.

Masalimo 119:102

Ntaghasulitepo amalamulo ghako, pakuti wewe wemwenecho we wamanyisya.

Masalimo 18:21

Pakuti nazikonkagha indaghilo izya Mwene, sona intabombitepo nayimo imbibi nukumukana u Chala wane.

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Yesaya 30:11

Muyileke izila iyi, pakupaghukila mulubazu, leka pakutubuzya izya Umuzelu uwa Izilayeli!”

Yesaya 59:13

tukusambukiye nukukukana we Mwene, nukukupa inkoto awe we Chala witu, twabayivya abantu abinji, nukwepako kukwako, pakunena ubumyasi bubo buli mumoyo ghitu.

Yesaya 9:16

Pakuti abalongozi babo bakubalongozya abantu bakubasovya, sona babo bakulongoziwa bakupulumpa.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 17:5

U Mwene akuti, “Mughuniwa umuntu yuyo akundeka ane, nukubika ulusubilo lwache mubantu, akweghamila ku bwavwilizi ubwa bantu, sona u moyo wache ghuli kubutali nu Mwene.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Ezekiyeli 44:10

“ ‘Aba Levi babo bakepako kukwane bo aba Izilayeli basobela, pachifukwa chakubakonka abachala abanji, babaghiye pakupokela ulufundo pachifukwa icha mbibi zyabo.

Ezekiyeli 44:12

Loli pachifukwa ichakuti bakababombela pamaso pavifwani vyabo nukubapela aba Izilayeli pakunanga, polelo nkulapa ukuti bakwiza pakufundiwa, pachifukwa icha mbibi zyabo u Mwene Uwamaka Ghosi anena.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Aba Levi 21:15

umwakuti atakabanyazye abana bache aba pakasi pa bakamu bache. Ane ne Mwene nkumupela pakuba muntu muzelu.’ ”

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 2:5

“Nkafingana nawe ulufingo lulo lukupa ubumi nu mutende, sona nkamupa zinizi umwakuti anchindikaye, sona akanchindika pakulinyila itabwa lyane.

Ukubelengiwa 25:12

Polelo umubuzye ukuti nkufinga nawe ulufingo ulwa mutende.

Ukubelengiwa 25:13

Nkufinga nawe poka na baluko lwache ulufingo ulwa buputi ubwa bwila na bwila, pakuti akaba nu lweke pakumwiputa u Chala wache, sona nukuti akabika ichakwiyipa ichakupepesezya imbibi izya bantu.”

Aba Loma 14:21

Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange.

Aba Hebeli 3:12

Mwee bakamu bane, muchebaye ukuti atakabepo nayumo umuntu mumwinyu uwa moyo umubibi, sona nu musita ukusubila, ghugho ghungamulesannya nu Chala umumi.

1 Samuweli 2:17

Imbibi iya bana aba Eli iyi yikaba nkulu nkani pamaso pa Mwene pachifukwa ichakuti bakachisamula ichakwiyipa icha Mwene.

1 Samuweli 2:24

Awe, bana bane! Ipangwi lilyo likusata pakasi pabantu aba Mwene te lyiza.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.