Malaki 2:7 - IBAYIBOLO 2024

⁷ “Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Malaki 2:7 Iomraidhean Croise

2 Abamwene 16:11

Po umuputi u Uliya akachipanga ichighemo chila ukuyana namumo u mwene u Ahazi akamutumila bo ali mu Damasika, sona akachimalizya bo u Ahazi achili nukunyokako.

2 Abamwene 16:16

Po umuputi u Uliya akabomba zizyo u mwene u Ahazi akamulamula.

2 Imbili 30:22

U Hezekiya akabakazya aba Levi bosi, babo bakwivwisya pakubomba imbombo iya Mwene. Po abantu bakaba nu lusekelo amasiku seveni nukubika ivyakwiyipa ivyabupoka, po bakamupala u Mwene, u Chala uwa banyenya babo.

2 Imbili 31:4

Akabalamula abantu babo bakikalagha mu Yelusalemu ukuti babape abaputi naba Levi ichigaba chicho chibabaghiye umwakuti biyipe pakukonka Indaghilo izya Mwene.

Ezila 7:10

U Ezila akiyipa nkani ubumi bwache bosi pakumanyila nukuzikonka Indaghilo izya Mwene, sona nukubamanyisya aba Izilayeli ivimanyisyo na malamulo agha Mwene.

Ezila 7:25

Nawe bulo we Ezila, ubasale abalongozi na balongi, ukuyana na mahala ghagho Chala wako akupiye ukuti balongaye mubwanaloli inongwa izya bantu bosi aba kwisila ilya lusoko ulwa Yufuleti, babo bamenye indaghilo izya Chala wako. Umumanyisyanje umuntu wesi yuyo atazimenye indaghilo zinizi.

Ivyili 5:2

umwakuti ubanje ni nkalo inyiza, nukuti amazyu ghako ghabanje ghamahala.

Umulumbilili 5:5

Chizapo ukuti utakalapaye ukuchila ukuti ulape loli upotwe pakukwanilisya ichilapo chako.

Yesaya 42:19

Nkimba wewenu yuyo mufwamaso loli mubombi wane, sona wamapuli ngati ntumi yiyo nayituma? Nkimba wewenu yuyo mufwamaso ngati yuyo iyipiye mwene kukwane, mufwamaso ngati mubombi uwa Mwene?

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Daniyeli 11:33

“Abalongozi abamahala, bakwiza pakugabana amahala na bantu abanji, loli pakabalilo akapimpa bakwiza pakughoghiwa kubwite sona nukochiwa numoto. Abantu banaba bakwiza pakufyuliwa ukatundu nukusendiwa pakuba bazya.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Aba Levi 10:11

Mubamanyisyanje aba Izilayeli amalamulo ghosi ghagho u Mwene akabapa ukwendela mwa Mozesi.”

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Hagayi 1:13

Po u Hagayi, intumi iya Mwene yikababuzya abantu amazyu agha Mwene aghakuti, “Ane ne Mwene indinamwe.”

Zekaliya 7:3

pakubalalusya abaputi aba mu Nyumba iya Mwene Uwamaka Ghosi sona na balaghuzi ukuti, “Nkimba infwifwitilaye nukutuzya pakulya mumwezi uwafayivi, ukuyana namumo nkabombelagha amaka aminji?”

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Yohani 13:20

Naloli nkubabuzya ukuti umuntu wesi yuyo akumupokela yuyo nkumutuma, akumpokela nane bulo, sona umuntu wesi yuyo akumpokela ane, akumupokela wepe bulo yuyo akantuma.”

Yohani 20:21

U Yesu akanena nabo sona akati, “Umutende ghubanje namwe. Ukuyana namumo Utata akantumila, po momumo nane nkubatumila.”

Imbombo 16:17

Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!”

2 Aba Kolinti 5:20

Aswe twe bimilili ba Kilisitu, ngati po u Chala akubalambilizya ukwendela mumwitu. Tukubalaba mwitabwa ilya Yesu Kilisitu ukuti musayane sona nu Chala.

Aba Galatiya 4:14

Napapo ububine bwane bukaba ngati po njelo kukwinyu, loli pope bulo mutakanjivya pamo ukunsamula, awe. Loli mukampokela ngati po ne wantumi uwa Chala, sona ngati po ne Kilisitu u Yesu umwenecho.

Ukukumbusya Amalamulo 21:5

Abaputi, babo bana aba Levi bope babuke kulakula, pakuti u Mwene u Chala abasalite ukuti babombaye imbombo nukubasaya abantu mwitabwa ilya Mwene, sona nukuti balongaye inongwa izyakuvulazannya, ni zyakughoghana.

Ukukumbusya Amalamulo 24:8

Nanti alipo umuntu uwamambombo, mwenelezye nkani ukuti mukukonka zyosi zizyo bakubabuzya abaputi, babo ba Levi. Mwenelezye ukuti mukukonka amalamulo ghosi ghagho nabapa.

1 Aba Tesalonika 4:8

Po umuntu wesi yuyo akukana ichimanyisyo chinichi, atakumukana umuntu, loli akumukana u Chala, yuyo akubapa u Muzimu wache Umuzelu.

1 Samuweli 2:17

Imbibi iya bana aba Eli iyi yikaba nkulu nkani pamaso pa Mwene pachifukwa ichakuti bakachisamula ichakwiyipa icha Mwene.