Malaki 2:6 - IBAYIBOLO 2024

⁶ Ichimanyisyo ichanaloli chikaba mumulomo wache, sona mumilomo yache mutakabamo ubumyasi nabumobumo. Akendagha nane mumutende na mubugholosu, nukubavwa abantu abinji ukuti bapinduke kumbibi zyabo.

Malaki 2:6 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 6:9

Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

Masalimo 119:142

Ubugholosu bwako bwa bwila na bwila, sona ululaghilo lwako lwanaloli.

Masalimo 119:151

Wee Mwene, loli awe uli papipi, sona ghope amalamulo ghako ghanaloli.

Masalimo 37:30

Umulomo uwa muntu umugholosu ghukunenagha amahala ghene, sona lope ululimi lwache lukunenagha ubwanaloli bwene.

Masalimo 37:37

Umwenelezye nkani umuntu yuyo ate ni chilema nachimochimo, sona umupime umuntu umugholosu, umuntu uwa umutende akuba nabanyenya abinji.

Ivyili 5:2

umwakuti ubanje ni nkalo inyiza, nukuti amazyu ghako ghabanje ghamahala.

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Daniyeli 12:3

Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Matayi 22:16

Po bakatuma kwa Yesu abamanyili babo bamo poka na bantu bamo aba mukabukatila aka Helodi. Bakati, “Wee Mumanyisi, tuzimenye ukuti ukunena ubwanaloli. Ukumanyisya izila iya Chala pakasi pabantu ukuyana nu bwanaloli, ukusita ukunyila inyinong'ono izya bantu pakuti utakwennya icheni icha muntu.

Maliko 12:14

Bo bafika bakati, “Wee Mumanyisi, tuzimenye ukuti ukunena ubwanaloli ukusita pakupasya na zizyo abantu bakwinong'ona. Utakwennya icheni icha muntu, loli ukumanyisya ubwanaloli bubo u Chala akulonda ukuti abantu babombaye. Tubuzye, nkimba Indaghilo zyitu zikutwitikizya pakusonka umusonko kwa Kesale? Nkimba tusonke pamo awe?”

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 20:21

Abatendezi bala bakamulalusya u Yesu bakati, “Wee Mumanyisi, tuzimenye ukuti zizyo ukunena nukumanyisya zyanaloli. Tuzimenye ukuti utakwennya akabonekele aka muntu, loli ukumanyisya ubwanaloli bubo u Chala akulonda ukuti abantu babombaye.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.

Ukukumbusya Amalamulo 33:8

Nizya uluko ulwa Levi akati, “Wee Mwene vumbula ubwighane bwako ukwendela mwa Tumimu nu Ulimu, ukwendela mu mubombi wako umusubiliwa u Levi. Ukamuyela pa Masa nukudalinkana nawe pamizi agha Meliba.

Ukukumbusya Amalamulo 33:9

U Levi akaghivwila amazyu ghako, nukulusunga ulufingo lwako. Akaba musubiliwa nkani kukwako, ukumuchila uwise nu nyina, na bawamwabo, sona na bana bache.

Ubuvumbuli 14:5

Abantu banaba batatamantitepo nalumolumo, sona bate ni chilema nachimochimo.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.