Malaki 2:2 - IBAYIBOLO 2024

² Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Malaki 2:2 Iomraidhean Croise

Masalimo 69:22

Ichakulya chicho chili pitebulo lyabo chibanje chipingo chabo, sona ulusekelo lwabo uluzelu lubalemaye.

Ivyili 3:33

U Mwene akuyighuna inyumba iya muntu umubibi, loli akuyisaya inyumba iya muntu umugholosu.

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 47:7

Po ukati, ‘Ane nkwiza pakuba ne mwene umukolo, uwa bwila na bwila!’ Loli utakabikilako umoyo kuvintu ivi, pamo ukwinong'onela, namumo ubumalilo bwache bukwiza pakubela.

Yesaya 57:11

U Mwene akuti, “Nkimba wewenu yuyo mukamunyilagha, nukumutetema ukuti muzimbulaye, mutakunkumbuka pamo ukumbikilako umoyo? Nkimba te chifukwa ichakuti nkaba myee akabalilo akatali, ukuti mutakanyilaye?

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Ezekiyeli 3:7

Loli aba Izilayeli batakulonda pakukuteghelezya, pachifukwa ichakuti batakulonda pakunteghelezya. Pakuti bosi bamadinko sona ba moyo amakafu.

Hagayi 1:6

Mwabyala ivyinji nkani, loli mwinula vinandi bulo. Mukulya, loli mutakwikuta nalumolumo. Mukung'wela, loli vitakubakwana nalumolumo. Mukuvwala amenda, loli mutakutukila. Mukupokela amalipilo, loli mukughabika munyambi zizyo zidobokite.”

Hagayi 1:9

“Mwalindilila inyinulo inyinji nkani, loli mwinula panandi bulo. Bo mwabwela ni nyinulo yinyu, nkayiputa ni mpepo.” U Mwene Uwamaka Ghosi akubalalusya akuti, “Nkimba choni chicho nkabomba bunubu? Pachifukwa ichakuti Inyumba yane yaba chisami, bo umuntu wesi ikolezanizye pakuzenga inyumba yache.

Malaki 2:1

U Mwene Uwamaka Ghosi akuti, “Amwe mwe baputi nkubapa ilamulo ili.

Malaki 3:9

Naloliloli webosi mwaghuniwa mweba luko losi, pakuti mukunyibila.

Luka 17:18

Nkimba choni chicho umuyeni mwene bulo, weyuyo anyokela pakumupalizya u Chala?”

Yoshwa 7:19

Po u Yoshwa akamubuzya u Akani akati, “Wee mwana wane, umuchindike u Mwene u Chala uwa Izilayeli, sona umupale. Losi ulu umbuzye zizyo wabomba. Utakanvinde.”

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 16:9

Po ichitukivu ichikali chikabocha abantu bala, po abantu bala bakalighuna itabwa ilya Chala, yuyo ali nu bulaghili pa viwaya. Loli batakapinduka nukuzileka imbibi zyabo pamo pakumupala u Chala.