Malaki 2:12 - IBAYIBOLO 2024

¹² Nizya muntu wesi yuyo akubomba zinizi, manyi angaba wenu, u Mwene amwefyemo muvisakasa ivya Yakobo, napapo angabika ivyakwiyipa kwa Mwene Uwamaka Ghosi.

Malaki 2:12 Iomraidhean Croise

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Malaki 2:10

Nkimba aswe tute nu tata weka? Fwandi te we Chala weka yuyo akatupela twebosi? Nkimba choni chicho tutakusubilana pakulunangannya ulufingo lulo u Chala akafingana na banyenya bitu?

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Zekaliya 12:7

“Ane ne Mwene nkwiza pakutupoka tasi utwaya utwa mu Yuda, umwakuti umuchizi uwa bamunyumba iya Devedi sona nuwa bantu babo bakwikala mu Yelusalemu ghutakabanje mukulu nkani ukughuchila uwa Yuda.

Amosi 5:22

Napapo mukubika ivyakwiyipa ivyakocha ni vyakwiyipa ivya busu, ntakwiza pakuvipokela. Napapo mukubika ivyakwiyipa ivyabupoka, ntakwiza pakuvipokela, awe.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Ezekiyeli 14:10

Bakwiza pakupokela ulufundo lwabo, ulufundo ulwa mulaghuzi nulwa yuyo akwiza pakulalusyako vikwiza pakuyana bulo.

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Yesaya 61:8

U Mwene akuti, “Pakuti ane ne Mwene, imbughanite ubwanaloli, imbenganite nubwiba ni mbibi. Mubusubiliwa bwane, nkwiza pakubapa umuvwalo wabo, nukufingana nabo ulufingo ulwa bwila na bwila.

1 Imbili 25:8

Abantu banaba bakapeghiwa imbombo yabo pakupanga amayele manyi basongo pamo banandi manyi bamanyisi pamo abamanyili.

1 Samuweli 3:14

Ichi cho chifukwa nkalapa nkati, ‘Imbibi iya bamunyumba iya Eli yitakwiza pakuhobokeliwapo nalumo, manyi pakubika ichakwiyipa ichakupepesezya pamo ivyabupi.’ ”

Ukubelengiwa 24:5

Wee Yakobo, ivisakasa vyako vyiza nkani. Wee Izilayeli, inyumba zyako zikuboneka akiza nkani.

Aba Levi 20:3

Ane ne mwenecho nkwiza pakumusulannya umuntu yulayula nukumwepusyapo pakasi pabantu bache pachifukwa ichakuti abunyazya ubuzilo bwane ubuzelu, nukulisamula itabwa lyane izelu pakubika abana bache kwa chala u Moleki.

Aba Levi 18:29

Pakuti umuntu wesi yuyo akubomba ivintu ivyamwiko vinivi, akwiza pakwepusiwapo pakasi pabantu abaluko lwache.

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Malaki 1:13

Po mukuti, ‘Twalita navyo vinivi.’ Zyosi zinizi mukwenda nukumpa inkonto. Bo mukwiza pakubika ivyakwiyipa, vivyo vivulaye pamo vilemaye pamo vibinite, nkimba mukwinong'ona ukuti ningavipokela vinivi ukufuma munyobe zyinyu?” U Mwene anena.