Malaki 1:6 - IBAYIBOLO 2024

⁶ U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 1:6 Iomraidhean Croise

Masalimo 123:2

Ukuyana namumo umuzya umulumendo amusubiye u mwene wache, sona ngati mumo umuzya umulindu amusubiye u mwene wache, umwakuyana bulo aswe tukumulindilila u Mwene u Chala witu, mupaka atupelele ichisa.

Ukufuma 20:12

“Umuchindikaye ughuso nu nyoko, umwakuti ubanje nubumi ubutali muchisu chicho u Mwene u Chala wako akukupa.

Ivyili 17:6

Abizukulu yo mpumpu iya muntu umughosi, sona abapapi bo buchindamu ubwa bana.

Ivyili 30:11

Balipo bamo babo bakubaghuna abawise, sona batakubachindika abanyina.

Ivyili 30:17

Umuntu yuyo akumusamula uwise, sona na yuyo akumuchemela unyina umughosi, abachigobe bakwiza pakuzompola amaso ghache, sona abachipungu bakwiza pakughalya.

Yesaya 1:2

Wee kumwanya, ivwa kuno, sona wee chisu ichapasi, teghelezya! U Mwene akuti, “Nkapapa abana nukubalela loli ilelo bansambukiye.

Yesaya 43:23

Mutanyiziye ni ng'ozi iya chakwiyipa ichakocha, pamo ukunchindika ni vyakwiyipa vyinyu. Ntabang'wamisizye ni vyakwiyipa ivya busu, pamo ukubalitizya nutwakufukizya utwakununkila.

Yesaya 45:10

Chighune ku muntu yuyo akunena kwa wise akuti, “Nkimba choni chicho ukampapa?” Pamo kwa nyina ukuti, “Nkimba wapapa ichoni?”

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Yelemiya 23:11

“Bosi babili banaba, abalaghuzi na baputi batakumunyila u Chala, Imbaghite bakubomba ububibi mu Nyumba yane. Ane ne Mwene nanena.

Yelemiya 3:4

Nkimba ute wewe wanyitizya lunulu bulo ukuti, ‘Tata wane, mumanyani wane ukwanda po pabulumendo bwane?

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Yelemiya 35:16

Abaluko ulwa Yonadabu umwana umulumendo uwa Lekabu bakakonka ilamulo lilyo umunyenya wabo akabapa loli abantu aba batakanyivwila.’

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Aba Levi 19:3

“ ‘Umuntu wesi amuchindikaye unyina nu wise nukulisungilila Isiku lyane Ilyakutuzya. Ane ne Mwene u Chala winyu.

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Malaki 2:1

U Mwene Uwamaka Ghosi akuti, “Amwe mwe baputi nkubapa ilamulo ili.

Malaki 2:10

Nkimba aswe tute nu tata weka? Fwandi te we Chala weka yuyo akatupela twebosi? Nkimba choni chicho tutakusubilana pakulunangannya ulufingo lulo u Chala akafingana na banyenya bitu?

Malaki 2:8

Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 15:4

Pakuti u Chala akati, ‘Chindika ughuso nu nyoko,’ sona ‘Umuntu wesi yuyo akumughuna uwise nu nyina aghoghiwanje.’

Matayi 15:6

Pakubomba bunubu mukughakana amalamulo agha Chala ukuti mukonke inyiho zyinyu.

Matayi 19:19

sona chindika ughuso nu nyoko. Umughanaye umupalamani wako ukuyana namumo wiyighaniye wemwenecho.”

Matayi 6:9

Bo mukwiputa mutinji, ‘Tata witu uwakumwanya; itabwa lyako lichindikiwanje.

Matayi 7:21

“Te bantu bosi babo bakunyitizya ukuti, ‘Mwene, Mwene,’ bakwiza pakwinjila mu Bumwene ubwa Kumwanya, loli bene babo bakubomba zizyo Utata wane uwakumwanya akulonda.

Maliko 10:19

Ughamenye amalamulo aghakuti, ‘Utakaghoghaye, utakalowaye, utakibaye, utakabanje we kaboni umumyasi, utakazimbulaye, sona chindika ughuso nu nyoko.’ ”

Maliko 7:10

Pakuti u Mozesi akalamula akati, ‘Chindika ughuso nu nyoko,’ sona ‘Umuntu wesi yuyo akumughuna uwise nu nyina aghoghiwanje.’

Luka 10:29

Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”

Luka 18:20

Ughamenye amalamulo aghakuti: Utakalowaye, utakaghoghaye, utakibaye, utakabanje we kaboni umumyasi, sona chindika ughuso nu nyoko.”

Luka 6:36

Mubanje bantu abachisa ukuyana namumo Ughuso abeleye ni chisa.

Luka 6:46

“Nkimba choni chicho mukunyitizya ukuti, ‘Mwene, Mwene,’ loli mutakubomba zizyo nkubabuzya?

Aba Efeso 6:2

“Chindika ughuso nu nyoko.” Ili lyo lilamulo ilyakwanda lilyo lili ni layizyo ilyakuti,

Ukukumbusya Amalamulo 1:31

sona na munkolongo. Kulakula mukennya namumo U Mwene u Chala winyu akabanyamulila pabulendo bwinyu bosi nukubafisya kunuku ukuyana namumo uwise akumunyamulila umwana wache.”

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?

Ukukumbusya Amalamulo 5:16

“Umuchindikaye ughuso nu nyoko, ukuyana namumo u Mwene u Chala wako akakulamulila, umwakuti ubanje nubumi ubutali muchisu chicho u Mwene u Chala wako akukupa.

1 Pitala 1:17

U Chala yuyo mukumwitizya ukuti Tata atakubomba ivintu pakwennya icheni, loli akubalonga abantu ukuyana ni mbombo zyabo. Polelo mubaghiye pakumuchindika u Chala pakabalilo kako mukwikala ngati mwe bayeni muchisu ichapasi.