Malaki 1:5 - IBAYIBOLO 2024

⁵ Na maso aghinyu na ghinyu mukwiza pakuvyennya vinivi, po mukwiza pakunena ukuti, ‘Ubukulu ubwa Mwene bwafika ukuzichila impaka izya chisu icha Izilayeli.’ ”

Malaki 1:5 Iomraidhean Croise

2 Imbili 29:8

Polelo u Mwene abakalaliye abantu aba mu Yuda naba mu Yelusalemu. Abapela pakuba chintu ichakoghofya ni chakuswighisya sona ni chakukozya isoni ngati mumo mukwiyenezya na maso ghinyu.

Ezekiyeli 38:16

Po mukwiza pakulwa ubwite na bantu bane aba Izilayeli mukwiza pakuba ngati libingu lilyo lyavwinka ichisu. Wee Gogi, mumasiku agha kuntazi ukwiza pakulwa ubwite ni chisu chane, umwakuti inko zimanye ane, bo nkwilanjizya ubuzelu bwane ukwendela mumwako pamaso papabo.

Ezekiyeli 38:23

Po nkwiza pakulanjizya ubukulu bwane nubuzelu bwane, sona nkwiza pakwivumbula pamaso pa inko inyinji. Po bakwiza pakumanya ukuti ane ne Mwene.”

Ezekiyeli 39:9

“ ‘Po abantu babo bakwikala mutwaya utukulu utwa Izilayeli bakwiza pakufuma kuzi nukubombezya ivilwilo pakuba nkwi izya moto nukuvyocha, kokuti ingulu inandi ni nkulu, nu bwele nu tulasilo ni ntughu sona ni mpalala. Bakwiza pakuvibombezya vinivi pakuba nkwi amaka seveni.

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Ukukumbusya Amalamulo 11:7

Naloli, mwavyennya na maso ghinyu ivintu vyosi ivikulu vivyo u Mwene abomba.

Ukukumbusya Amalamulo 4:3

Amwe mukavyennya na maso ghinyu ivintu vivyo u Mwene akavibomba pa Baala Pewoli. U Mwene u Chala winyu akamunangannya umuntu wesi pakasi papinyu, yuyo akamuchindikagha u Baala uwaku Pewoli,

Yoshwa 24:7

Loli bakamulilila u Mwene ukuti abavwe, po u Mwene akapela ichisi pakasi papinyu na paba Ijiputi, sona inyanja yikabibizya. Amwe mukazyennya na maso ghinyu zizyo nkababombela aba Ijiputi. Po mukikala munkolongo akabalilo akatali nkani.

1 Samuweli 12:16

“Polelo imilila bulo panapa ukuti mwennye ichintu ichikulu chicho u Mwene akwiza pakubomba pamaso papinyu.