Malaki 1:4 - IBAYIBOLO 2024

⁴ Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Malaki 1:4 Iomraidhean Croise

Yobu 12:14

Nanti achimongolannya ichintu, atalipo nayumoyumo umuntu angachizenga sona. Nanti amwighalila umuntu mujele, umuntu yulayula atangasatuliwa nalumolumo.

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Yobu 9:4

U Chala we wamahala, sona wamaka nkani. Nkimba wenu yuyo angiminkana nawe, umwakusita ukuvulaziwa?

Masalimo 127:1

Nanti u Mwene atakuyizenga inyumba, kokuti abazengi bakuyimba bulo. Nanti u Mwene atakukalindilila akaya akakulu nkani, kokuti abalindilili bakuyimba bulo.

Masalimo 137:7

Wee Mwene, kumbukagha zizyo aba Edomu bakabomba, pisiku lilyo akawilagha Yelusalemu bakati, “Mumongolannye! Mumongolannye mupaka palwalo lwache!”

Masalimo 33:10

U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 11:14

Bakwiza pakubanyelela aba Filisiti kubwinjililo bwizuba, po bosi poka bakwiza pakubafyula ivintu abantu abakubufumilo bwizuba. Bakwiza pakubika inyobe zyabo paba Edomu nu Mowabu, aba Amoni bakwiza pakubalambila.

Yesaya 34:10

Ghutakwiza pakuzima pabusiku na pamusanya, ilyosi lyache likwiza pakukwela mumwanya bwila na bwila. Inkulilo ni nkulilo yikwiza pakuba visami, atalipo nayumoyumo yuyo akwiza pakwendamo sona.

Yesaya 34:5

U Mwene akuti, “Upanga wane ang'wela ivyakung'wela vyache kumwanya, ennya, akwika nu bulongi pachisu icha Edomu, pabantu babo nabanangannya.”

Yelemiya 31:17

U Mwene akuti, “Subila bulo vivyo vili kuntazi, abana bako bakwiza pakubwelako sona ku kaya kabo.

Yelemiya 49:20

“Polelo, ivwa zizyo u Mwene ababatikiye pakubabombela abantu aba mu Edomu, sona na zizyo ababatikiye pakubabombela abantu aba mu Temani. Utwana utwa ing'ozi ni mbuzi tukwiza pakusendiwa, sona akwiza pakunangannya apakudimapo, pachifukwa icha babo.

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Yelemiya 49:8

Mwee bantu aba mu Dedani, nyokela nukuchimbila, muvwamaye muviliba ivyibizu, pakuti nkwiza pakumunangannya u Esabu, pakabalilo akakumufundila.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Nkuto 3:37

Nkimba wewenu angalamula ukuti ichi pamo chila chibombiwanje, nanti u Mwene atitikizizye?

Ezekiyeli 11:10

Mukwiza pakufwila kubwite, sona nkwiza pakubalonga mupaka mufike kumpaka izya chisu icha Izilayeli. Po mukwiza pakumanya pakuti ane ne Mwene.

Ezekiyeli 25:13

polelo u Mwene Uwamaka Ghosi akuti: Nkwiza pakugholosezya inyobe yane paba Edomu nukubaghogha abantu ni vinyamana. Nkwiza pakuchipela pakuba chisami ukwandila mukaya aka Temani mupaka mukaya aka Dedani abantu bakwiza pakufwila kubwite.

Ezekiyeli 25:14

Nkwiza pakubatanizya aba Edomu namaka agha bantu bane aba Izilayeli, bakwiza pakubomba nabo ukuyana namumo bubeleye ubukali bwane sona nukukalala kwane, bakwiza pakumanya ukutanizya kwane, u Mwene Uwamaka Ghosi anena.’

Ezekiyeli 26:14

Nkwiza pakukupela pakuba we lyalabwe lilyo patalipo nakamokamo, sona ukwiza pakuba we wakwanikilapo ivilepa. Utakwiza pakuzengapo sona, pakuti ane ne Mwene nanena, u Mwene Uwamaka Ghosi anena.

Ezekiyeli 35:4

Nkwiza pakutunangannya utwaya twako nukutupela pakuba visami. Po mukwiza pakumanya ukuti ane ne Mwene.

Ezekiyeli 35:9

Nkwiza pakukupela awe pakuba chisami icha bwila na bwila. Mutwaya twako utukulu mutakwiza pakwikalamo abantu. Po mukwiza pakumanya ukuti ane ne Mwene.

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Amosi 3:15

Nkwiza pakuyimongolannya inyumba iya pachisiku, poka ni nyumba iya pachisanya. Inyumba zizyo zikalabiwa namino agha zovu zikwiza pakumongoliwa, sona inyumba izya pamwanya zikwiza pakunanganika.” U Mwene anena!

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Amosi 6:11

Pakuti u Mwene alamula, po akwiza pakuyimongolannya inyumba inkulu nkani, yope inyumba inandi akwiza pakuyimongolannya mutuvigaba utunanditunandi.

Amosi 6:2

Buka kukaya aka Kaline nukwennyako, sona bo mwafuma kulakula, buka kukaya akakulu aka Hamati, po pisinda pache mubukaye kukaya aka Gati muchisu icha Filisiti. Nkimba bwizapo ukubuchila ubumwene bwinyu bubili? Nkimba ichisu chabo chikulupo ukuchila ichisu chinyu?

Obadiya 1:1

Ichisetuka icha Obadiya. Agha gho mazyu agha Mwene Uwamaka Ghosi ghagho ghakunena nizya chisu icha Edomu gho agha: Twivuye amazyu aghakufuma kwa Mwene. Intumi yikatumiwa ku inko izinji na mazyu aghakuti, “Nyamuka, twende pakulwa ubwite, na bantu aba mu Edomu.”

Obadiya 1:10

Pachifukwa icha lombwa ku mukamu wako u Yakobo, ukwiza pakukoziwa isoni, nukukunangannya bwila na bwila.

Malaki 1:3

loli imubengite u Esabu sona nachipela ichisu chache icha mumaghamba pakuba nkolongo, umwakuti bwaba buzilo ubwakwikalamo abakambwe.”

Matayi 12:30

“Umuntu wesi yuyo akudalinkana nane, kokuti mulwani wane, sona umuntu wesi yuyo atakunyavwa pakubungannya, kokuti akunyampannya.