Malaki 1:3 - IBAYIBOLO 2024

³ loli imubengite u Esabu sona nachipela ichisu chache icha mumaghamba pakuba nkolongo, umwakuti bwaba buzilo ubwakwikalamo abakambwe.”

Malaki 1:3 Iomraidhean Croise

Ubwandilo 25:23

Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Yesaya 35:7

Umusesenga uwa kocha ghukwiza pakuba chiziba, po ichisu ichumizu chikwiza pakuba ni mbwibwi. Mubuzilo ubwa bakambwe, mukwiza pakumela isote ni ntete.

Yelemiya 49:10

Loli nabafyula vyosi aba Esabu, nabubika pabuzelu ubuzilo bwabo ubwakuvwamilamo, umwakuti atangavwama sona. Abana babo na bakamu babo sona na bapalamani babo bakwiza pakuzimila, atalipo nayumoyumo uwakupona.

Yelemiya 49:20

“Polelo, ivwa zizyo u Mwene ababatikiye pakubabombela abantu aba mu Edomu, sona na zizyo ababatikiye pakubabombela abantu aba mu Temani. Utwana utwa ing'ozi ni mbuzi tukwiza pakusendiwa, sona akwiza pakunangannya apakudimapo, pachifukwa icha babo.

Yelemiya 49:33

Akaya aka Hazoli kakwiza pakuba kakwikalamo abakambwe, nukwipela pakuba chisami icha bwila na bwila. Atalipo nayumoyumo yuyo akwiza pakwikalamo, sona nuwakuzengamo.”

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Yelemiya 49:8

Mwee bantu aba mu Dedani, nyokela nukuchimbila, muvwamaye muviliba ivyibizu, pakuti nkwiza pakumunangannya u Esabu, pakabalilo akakumufundila.

Yelemiya 51:37

U Babiloni akwiza pakuba chibunga icha visami, sona nu buzilo ubwakwikalamo abakambwe, akaya akakoghofya na kakusamuliwa, mumo atalimo nayumoyumo uwakwikalamo.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.

Ezekiyeli 36:7

Polelo u Mwene Uwamaka Ghosi akuti: Nkulapa bo nkwezizye inyobe zyane mumwanya ukuti inko zizyo zibazyunguliye zyope zikwiza pakusamuliwa.

Ezekiyeli 36:9

Ane mpalamasiwe nkani sona indi ni chililizi namwe, amaghunda ghinyu ghakwiza pakulimiwa nukubyaliwa,

Yoweli 3:19

Loli u Ijiputi akwiza pakuba chisami, wepe u Edomu akwiza pakuba nkolongo, pachifukwa icha kulwa ubwite na bantu aba mu Yuda nukukupula ibanda ilya bantu babo bate ninongwa muchisu chabo.

Obadiya 1:10

Pachifukwa icha lombwa ku mukamu wako u Yakobo, ukwiza pakukoziwa isoni, nukukunangannya bwila na bwila.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.