Malaki 1:2 - IBAYIBOLO 2024

² U Mwene akubabuzya abantu bache akuti, “Nabaghana nkani.” Loli mukundalusya mukuti, “Nkimba utughanite bulibuli?” U Mwene akwamula akuti, “Nkimba u Esabu nu Yakobo batakaba banamuntu? Imughanite u Yakobo,

Malaki 1:2 Iomraidhean Croise

Ubwandilo 25:23

Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Ubwandilo 25:25

Ukatote akaba muchesamile, sona umubili wache ghosi ghukaba na meya, po bakamwita ukuti we Esabu.

Ubwandilo 25:26

Pisinda pache umuzuna wache akapapiwa, bo inyobe yache yilemite ichitende icha Esabu, po bakamwita ukuti we Yakobo. Abana bala bakapapiwa, bo u Yisaki ali na maka 60.

Ubwandilo 27:33

Po u Yisaki akanda pakutetema umubili ghosi nukulalusya ukuti, “Nkimba akaba wewenu akambingila inyama nukwiza nayo kuno? Nkayilya bo awe uchili nukwiza, sona namusaya, naloli akwiza pakuba musayiwa bwila na bwila.”

Ubwandilo 48:4

Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”

1 Abamwene 10:9

Umupalaye u Mwene u Chala wako yuyo ahobokite nawe nukukwikazya pachitengo icha bumwene ubwa Izilayeli. Pachifukwa ichakuti u Mwene abaghanite nkani aba Izilayeli nu lughano ulwa bwila na bwila, akupakazya ukuti ubanje we mwene umwakuti ulaghilaye mubwanaloli na mubugholosu.”

2 Abamwene 3:8

U Yehoshafati akamulalusya akati, “Nkimba tukwiza pakwenda zila yoni bo tukubuka kubwite?” U Yolamu akamwamula akati, “Tukwiza pakwenda izila iya munkolongo iya Edomu.”

Yesaya 43:4

Pakuti we wamutengo nkani, sona we muchindikiwa pamaso ghane, sona pakuti nkughanite, nkwiza pakukupa abantu ukutanana nubumi bwako.

Yesaya 63:1

Nkimba wewenu yuyo akufumila kuchisu icha Edomu, mukaya aka Bozila, yuyo avwalite amenda amachesamu? Nkimba wewenu yuyo avwalite inkazo inyiza, sona akwenda namaka? “Nene Mwene, nkunena ubwanaloli, sona uwamaka pakupoka.”

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Yelemiya 31:3

U Mwene akatubonekela bo tuli kubutali nukunena ukuti, “Imbaghanite nkani mwe ba Izilayeli nu lughano ulusita kumala, naba ne musubiliwa ku kwinyu mupaka nilelo.

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Malaki 2:17

Mwamulitizya nkani u Mwene na kanenele kinyu. Mukulalusya mukuti, “Nkimba twamulitizya bulibuli?” Pakunena ukuti, “Umuntu wesi yuyo akubomba imbibi kokuti mwiza pamaso pa Mwene, sona akuhoboka nabo.” Pamo pakulalusya ukuti, “Nkimba ali ko kwiyi u Chala yuyo akubombela mubwanaloli?”

Luka 10:29

Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”

Yohani 15:12

Ili lyo lilamulo lyane: Mughananaye ukuyana namumo nane imbaghaniye.

Ukukumbusya Amalamulo 10:15

Loli u Mwene akabaghana nkani abanyenya binyu, sona akabasala amwe mwe baluko lwabo pakasi pa inko zyosi ukuyana namumo vibeleye nilelo bulo.

Ukukumbusya Amalamulo 23:5

Loli u Mwene u Chala winyu atakamuteghelezya u Balamu yula. Loli akachandula ichighune chila pakuba lusayo, pachifukwa ichakuti u Mwene u Chala winyu abaghanite.

Ukukumbusya Amalamulo 33:3

Naloli u Mwene abaghanite abantu bache, sona abantu bako bosi bali munyobe zyache. Po bakufughama munyayo zyache, sona bakupokela ivimanyisyo vyache.

Ukukumbusya Amalamulo 4:37

Pachifukwa ichakuti akabaghana nkani abanyenya binyu, akabasala amwe, mwe baluko lwabo nukubefyamo mu Ijiputi nu bubapo bwache, sona na maka ghache amakulu nkani.