Malaki 1:11 - IBAYIBOLO 2024

¹¹ Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Malaki 1:11 Iomraidhean Croise

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 113:3

Ukwandila kuko izuba likufumila mupaka kuko likwinjilila, itabwa ilya Mwene lyo lipaliwanje.

Masalimo 138:5

Bimbaye pazizyo u Mwene abomba, pakuti ubuchindamu ubwa Mwene bukulu.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Masalimo 45:17

Nkwiza pakuzipela inkulilo zyosi ukuti zilikumbukaye itabwa lyako, polelo abantu aba inko zyosi bakwiza pakukupala bwila na bwila.

Masalimo 48:10

Wee Chala, ngati mumo libeleye itabwa lyako, momumo amapalo ghako ghakufika mupaka kubumalilo ubwa chisu, sona inyobe yako indilo yizuye nu bugholosu.

Masalimo 48:11

Abantu aba mu Ziyoni bahobokaye, utwaya utwa mu Yuda tusekelaye pachifukwa ichakuti ukulongela mubwanaloli.

Masalimo 50:1

U Chala Uwamaka Ghosi, u Mwene akunena, nukubitizya abantu muchisu chosi ichapasi, ukwandila kuko izuba likufumila mupaka kubwinjililo.

Masalimo 65:9

Ukuchisaya ichisu ichapasi pakuchitumila ivula. Ukuchipela pakuba chamuvundo nkani. Po sona ukuzyizuzya isoko na mizi. Bope abantu ukubamezezya ingano. Pakuti momumo uchiyanizizye.

Masalimo 67:2

Ubombaye bunubu umwakuti izila zyako zimanyikwe pachisu chosi ichapasi, sona nukuti ubupoki bwako bumanyikwe pakasi pabantu aba inko zyosi.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Masalimo 96:8

Mubupalaye ubuchindamu ubwa Mwene pachifukwa icha itabwa lyache, mwizaye ni vyakwiyipa mu mulubinjilo ulwa munyumba yache.

Yesaya 12:4

Pisiku lilalila mukwiza pakwimba ukuti, “Mumupalizye u Mwene! Muzibuzye inko pazizyo abomba! Mufumusye ukuti itabwa lyache lyapamwanya!

Yesaya 12:5

Mumwimbile u Mwene pachifukwa icha vintu ivya buchindamu vivyo abomba. Leka ichisu chosi ichapasi chimanye vyosi vinivi.

Yesaya 19:21

Po u Mwene akwiza pakwivumbula mwene kuba Ijiputi, sona pisiku lilalila bakwiza pakumwitika u Mwene. Bakwiza pakumwiputa pakubika ivyakwiyipa ivyakocha ni vyakwiyipa ivya busu, bakwiza pakupanga ivilapo nu Mwene nukuvisunga.

Yesaya 30:27

Ennya, itabwa ilya Mwene likwiza ukufumila kubutali, nu bukali bwache ubwakwaka namabingu aghilyosi, imilomo yache yizuye nu bukali nu lulimi lwache ulwa moto uwakulungulizya.

Yesaya 45:6

umwakuti abantu bamanye ukufuma kubufumilo bwizuba, mupaka kubwinjililo bwache kutalipo nayumo kulubazu lwane, ne Mwene atalipo u chala uyunji.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Yelemiya 10:6

Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Amosi 9:12

umwakuti abakusyala mu Edomu sona ninko zyosi zizyo zikwitiziwa ni tabwa lyane.” U Mwene anena, yuyo akwiza pakuzibomba zinizi.

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Zefaniya 3:9

“Pakabalilo kalakala nkwiza pakuyiswefya imilomo iya inko umwakuti abantu bosi balichindikaye itabwa ilya Mwene, nukumubombela nu moyo ghoka.

Zekaliya 8:7

U Mwene Uwamaka Ghosi akuti, “Nkwiza pakubapoka abantu bane aba kuvyisu ivyakubufumilo bwizuba sona naba kubwinjililo bwizuba.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Malaki 3:3

Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Ukubelengiwa 7:74

Akabika sona ibeseni lyoka ilya golide ilyakung'wama amagalamu 110, inyizule nu twakufukizya utwakununkila,

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Matayi 8:11

Naloli nkubabuzya ukuti abantu abinji abakubufumilo naba kubwinjililo bwizuba bakwiza pakwiza nukwikala pasi poka nu Abulahamu nu Yisaki nu Yakobo palusekelo mu Bumwene ubwa Kumwanya.

Luka 1:10

bo ichilundilo icha bantu chikwiputa kuzi pakabalilo kako ivyakununkila vikochiwanga.

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

2 Aba Tesalonika 1:12

umwakuti itabwa ilya Mwene witu u Yesu lichindikiwanje mumwinyu, sona namwe muchindikiwanje mumwache ukuyana ni chisa icha Chala witu nu Mwene u Yesu Kilisitu.

1 Timoti 2:8

Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.