Malaki 1:10 - IBAYIBOLO 2024

¹⁰ “Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Malaki 1:10 Iomraidhean Croise

2 Abamwene 12:6

Loli mumwaka uwa 23 bo u Yowashi akulaghila, abaputi bala bakaba bachili batayiyanizye sona Inyumba iya Chala.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Yelemiya 14:10

Umu momumo u Mwene akukunena nizya bantu aba akuti, “Bighanite nkani pakwendakwenda, batakuvikanizya ivinama vyabo. Po u Mwene atakubapokela sona akwiza pakubukumbuka ububibi bwabo nukubafunda pachifukwa icha mbibi zyabo.”

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 6:20

Nkimba utwakufukizya utwakununkila utwa ku Sheba tuli nimbombo yoni kukwane, pamo ivyakunonanona ivya kuchisu ichakubutali? Ivyakwiyipa vyinyu ivyakocha vitakupokeleliwa, Ivyakwiyipa vyinyu vitakunhobosya.”

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Hoseya 5:6

Bo bakubuka ni ng'ozi sona ni ng'ombe zyabo pakumulonda u Mwene, batakwiza pakumwagha. Pachifukwa ichakuti epitepo pakasi papabo.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Malaki 1:13

Po mukuti, ‘Twalita navyo vinivi.’ Zyosi zinizi mukwenda nukumpa inkonto. Bo mukwiza pakubika ivyakwiyipa, vivyo vivulaye pamo vilemaye pamo vibinite, nkimba mukwinong'ona ukuti ningavipokela vinivi ukufuma munyobe zyinyu?” U Mwene anena.

Malaki 2:12

Nizya muntu wesi yuyo akubomba zinizi, manyi angaba wenu, u Mwene amwefyemo muvisakasa ivya Yakobo, napapo angabika ivyakwiyipa kwa Mwene Uwamaka Ghosi.

Malaki 2:13

Ichintu ichinji chicho mukuchibomba cho ichi, mukuchizuzya ichighemo icha Mwene na masozi. Mukufwifwitila nukulila pachifukwa ichakuti atakwinong'onelako ku vyakwiyipa vyinyu pamo ukuvipokela munyobe zyinyu umwakuhoboka.

Yohani 10:12

Umudimi uwaganyu bulo, yuyo ate mudimi, sona yuyo ing'ozi zite zyache, nanti akuyennya impumpi yikwiza, akuzileka ing'ozi nukuchimbila, po impumpi yikulemapo ing'ozi zila nukuzinyampannya.

1 Aba Kolinti 9:13

Nkimba mutazimenye ukuti abantu babo bakubomba mu Nyumba iya Chala bakulya ivya mu Nyumba iya Chala, sona nukuti babo bakubika ivyabupi pachighemo bakupokela pa vyakwiyipa vilavila?

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Aba Hebeli 10:38

Abantu bane abagholosu bakwiza pakuba nubumi pakusubila. Loli nanti yumo mumwabo akunyokela kwisinda, ntakwiza pakuhoboka nawe.”

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.