Luti 4:6 - IBAYIBOLO 2024

⁶ Umukamu yula akamula akati, “Awe, intangakwanisya pakughughula umughunda ghula, pakuti pakubomba bunubu lumo ninganangannya ichilingo chane. Ughughule wewe, ane intangakwanisya.”

Luti 4:6 Iomraidhean Croise

Ubwandilo 38:8

U Yuda akamubuzya u Onani akati, “Bukagha pakughonana nu mukoyi wako umwakuti umupapile abana umukulu wako.”

Aba Levi 25:25

Nanti umu Izilayeli uwamwinyu aba mupina, nukughulizyapo bumo ubuzilo bwache, umukamu wache abutabulaye ubuzilo bubo umuntu yula abughulizizye.

Ukukumbusya Amalamulo 25:7

Loli nanti uwamwabo uwa muyazi yula atakulonda pakumupyana umufwilwe yula, po umukolo umufwilwe yula abukaye ku basongo pamulyango uwa kaya nukuti, “Umukoyi wane atakulonda pakupyana itabwa ilya wamwabo mu Izilayeli. Akukana pakumpyana.”

Ukukumbusya Amalamulo 25:8

Po abasongo aba mukaya kala bamwitizye nukunena nawe. Nanti akwendelela pakunena ukuti, “Ntakulonda pakumupyana umukoyi wane,”

Ukukumbusya Amalamulo 25:9

umukolo umufwilwe yula abukaye ku mukoyi wache pamaso pabasongo nukumuvula inkwato ichinama choka, bo akumufwinila amati nukuti, “Umu momumo zikubombeliwanga nu muntu yuyo akukana pakumupyana umukoyi wache.”

Luti 2:20

Po u Nabomi akamubuzya umulasagha wache yula akati, “U Mwene amusaye umuntu yunuyu, yuyo abalanjizya ichisa abantu abumi, na bafwe bulo.” Akanena sona akati, “Umuntu yunuyu we mukamu witu naloli, yuyo ali ni mbombo iyakutusungilila aswe.”

Luti 3:13

Ughone kuno ubusiku bosi ubu. Chingaba chiza bulo nanti akulonda pakukupyana ichilingo. Loli nanti atakulonda, ane nkulapa pamaso pa Mwene umumi ukuti nene nkwiza pakukupyana. Po ughone kuno mupaka pandabindabi.”

Luti 3:9

Akamulalusya akati, “Nkimba wewenu?” Umukolo yula akamwamula akati, “Ne Luti, umukamu wako. Umvwinkeko ni chakuvwinka chako, pakuti awe uli ni mbombo iyakunsungilila.”