Luti 4:12 - IBAYIBOLO 2024

¹² Ukwendela mu bana bako babo u Mwene akwiza pakukupa mumulindu uyu, inyumba yako yiyane bulo ni nyumba iya Pelezi, umwana yuyo u Yuda akapapa mwa Tamala.”

Luti 4:12 Iomraidhean Croise

Ubwandilo 38:29

Loli akayinyosezya mumo inyobe yache, umuzuna yula weyuyo akanda pakupapiwa. Po umuzamba akati, “Umu momumo wafumila kuzi!” Po akamwita ukuti we Pelezi.

Ubwandilo 46:12

Abana aba Yuda bo aba: U Eli nu Onani nu Shela nu Pelezi nu Zela. U Eli nu Onani bakafwila mu Kenani. Abana aba Pelezi bo aba: U Heziloni nu Hamuli.

1 Imbili 2:4

Umulasagha wache u Tamala akamupapila u Pelezi nu Zela. U Yuda akaba na bana fayivi bosi poka.

Malaki 2:15

Nkimba atakaba we Chala yuyo akabapela amwe pakuba mubili ghoka nu muzimu ghoka? Po nkimba chifukwa choni? Pachifukwa ichakuti akulonda abaluko ulwa Chala. Po ubwenelezyanje ubumi bwako, sona ubanje musubiliwa kumuchi wako uwakwanda yuyo ukasenda bo wemulumendo.

Luti 4:18

Abaluko ulwa Pelezi bo aba: U Pelezi akapapa u Heziloni

1 Samuweli 2:20

U Eli akamusayagha u Elikana nu muchi wache nukuti, “U Mwene akupe abana abanji mu mukolo yunuyu, ukuti asende ubuzilo ubwa yuyo ukamupa u Mwene.” Pisinda pache bakabwelagha kunyumba.