Luti 4:10 - IBAYIBOLO 2024

¹⁰ Ukonjelezyapo nu Luti wepe umu Mowabu, umufwilwe uwa muyazi u Maloni yula, aba muchi wane, umwakuti itabwa ilya muyazi yula lyendelelaye pachilingo chache. Bunubu itabwa lyache litangazimila pakasi pa bakamu bache, sona na mukaya akakulu aka. Ilelo mwebosi mwe bakaboni.”

Luti 4:10 Iomraidhean Croise

Ubwandilo 29:27

Lindilila tasi ukuti usabata uwa lusekelo ulwa sendwa iyi lumale, po nkwiza pakukupa u Lakelo nanti ukwiza pakumbombela sona amaka aghanji seveni.”

Ubwandilo 38:9

Loli u Onani akazimanya ukuti abana batakwiza pakuba bache, akabalilo kosi kako akaghonagha nu mukoyi wache, akakupulilagha pasi ubwanavuli bwache, umwakuti atakamupapile abana umukulu wache.

Masalimo 109:15

Akabalilo kosi imbibi zibanje pantazi pa Mwene, sona batakabakumbukaye pachisu ichapasi.

Masalimo 34:16

Loli u Mwene akubakalalila babo bakubomba ububibi, po batakwiza pakukumbukiwangapo nalumo pachisu ichapasi.

Ivyili 18:22

Umuntu yuyo amwaghite umukolo achagha ichintu ichiza, sona u Mwene akuhoboka nawe.

Ivyili 19:14

Inyumba nu bukabi yo mpyana yiyo abapapi bakuyilekagha, loli umukolo uwamahala akufuma kwa Mwene.

Yesaya 48:19

Abaluko lwinyu bakwiza pakuba binji ngati musesenga, sona abana binyu batakwiza pakubelengiwa, itabwa lyabo litakwiza pakwefiwa, pamo ukunanganika pamaso papane.”

Hoseya 12:12

U Yakobo akachimbilila kuchisu icha Alamu. U Izilayeli akabomba imbombo, ukuti asende umuchi wache, sona akadima ing'ozi ukuti imale umuchi wache.

Hoseya 3:2

Po nkiyimala pakubika isalabazya 15 izya siliva, sona ni vidudunga 7 ivya mapemba.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Malaki 2:14

Mukulalusya mukuti, “Nkimba chifukwa choni?” Chifukwa chakuti u Mwene akaba we kaboni uwa pakasi papako nu muchi wako uwakwanda yuyo ukasenda bo wemulumendo, pakuti utakusubiliwa kukwache, napapo umuchi wako uwa kubulumendo yuyo mumanyani wako, yuyo ukafingana nawe ulufingo ulwa sendwa.

Aba Efeso 5:25

Namwe mwe balume mubaghanaye abachi binyu ukuyana namumo u Kilisitu akachighanila ichipanga, nukwiyipa ubumi bwache pachifukwa icha chipanga chilachila.

Ukukumbusya Amalamulo 25:6

Umwana umulumendo uwakwanda uwa mukolo umufwilwe yula asende itabwa ilya wise umuyazi, umwakuti itabwa lyache litakazimile mu Izilayeli.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”

Luti 4:9

U Bowazi akababuzya abasongo bala, sona na bantu bosi akati, “Ilelo mwe bakaboni bane ukuti ane naghula kwa Nabomi ukatundu wesi uwa Elimeleki, sona nuwa mwana wache u Kiliyoni nu Maloni.