Luti 4:1 - IBAYIBOLO 2024

¹ Pakabalilo kalakala u Bowazi akabuka kumulyango uwa lupaso lwakaya akakulu kala nukwikala pasi. Bo amwennya umukamu wache, yuyo akaba ni mbombo iyakumusungilila u Luti akwiza akati, “Wee mumanyani wane, zagha wikale pasi pano.” Umuntu yula akabuka palapala nukwikala pasi.

Luti 4:1 Iomraidhean Croise

Ubwandilo 19:1

Bo abantumi babili aba kumwanya bala binjila mukaya aka Sodomu pachamabwila, u Loti akikalagha pamulyango uwa kaya kala. Bo u Loti abennya bulo, akanyamuka pakubalamuka. Akafughama nukuti,

Ubwandilo 23:10

U Efuloni akikala palapala palukomano poka naba Hiti abamwabo pamulyango uwa lupaso uwa kaya kala. Po akamula pabuzelu pamaso pabantu bosi bala akati,

Ubwandilo 34:20

Po u Hamoli nu mwana wache u Shekemu bakabuka kulukomano pamulyango uwa kaya kala pakunenezannya na bakamu babo.

2 Samuweli 15:2

U Abisalomu akalamusya pandabindabi nukwimilila mulubazu ulwa musebo uwakwinjilila mukaya akakulu nkani kala. Nanti umuntu yumo iza ninongwa kwa mwene, u Abisalomu akamwitizya nukumulalusya ukuti, “Nkimba wafuma kwiyi?” Umuntu yula akamulagha akatinji, “Ane ne wambombo wako nafuma muluko loka pakasi panko izya Izilayeli.”

2 Imbili 18:9

Pakabalilo kalakala u mwene uwa Izilayeli, poka nu mwene u Yehoshafati uwamu Yuda bakikalagha pavitengo ivya bumwene, bo bavwalite inkazo zyabo izya bumwene. Bakikalagha pabuzilo ubwakukomelapo inyinulo pamulyango uwa kaya akakulu nkani aka Samaliya, po abalaghuzi bosi bakalaghulagha pamaso papabo.

Yobu 29:7

Bo nabuka pamulyango uwa kaya akakulu nkani nukwikala pabuzilo bubo bakabunganaghapo

Yobu 31:21

nanti nkabazimbula abana abalanda, pachifukwa ichakuti abalongi bakaba kulubazu lwane,

Masalimo 69:12

Abantu babo bikaye pamulyango uwa lupaso bakunjeba. Sona abaching'wela bope bakunyimba munyimbo zyabo.

Ivyili 31:23

Umulume muntu yuyo amanyikitwe nkani pankomano, papo akwikala pakasi pa basongosongo aba chisu.

Yesaya 55:1

U Mwene akuti, “Zagha, mwebosi mwe muli ninyota, mwize ku mizi; sona na mwe mute ni ndalama, zagha, mughule nukulya! Zagha, mung'wele pabulo uvinyo nu lukama.

Yelemiya 32:10

Nkasimba nukwighalila ukalata uwa lufingo lula pamaso pa bakaboni nukumupima u siliva yula pa chipimilo.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Zekaliya 2:6

U Mwene ati, “Zagha! Zagha! Mwee, chimbilako kuchisu icha kumitu, pakuti nabanyampanizizya mumpepo folo izya mumwanya.

Ukukumbusya Amalamulo 16:18

Muluko losi musalemo abalongi na balongozi mutwaya tosi tuto u Mwene u Chala winyu akubapa. Abantu banaba bakwiza pakulongela mubwanaloli inongwa izya bantu.

Ukukumbusya Amalamulo 17:5

po mumusendele umwanavuli pamo umukolo yulayula kumulyango uwa kaya akakulu nkani nukumughogha na mabwe.

Ukukumbusya Amalamulo 21:19

Bunubu abapapi bache bamuleme nukubuka nawe ku basongo aba mukaya kala pamulyango uwa kaya.

Ukukumbusya Amalamulo 25:7

Loli nanti uwamwabo uwa muyazi yula atakulonda pakumupyana umufwilwe yula, po umukolo umufwilwe yula abukaye ku basongo pamulyango uwa kaya nukuti, “Umukoyi wane atakulonda pakupyana itabwa ilya wamwabo mu Izilayeli. Akukana pakumpyana.”

Yoshwa 20:4

“ ‘Nanti achimbilila mukaya kamo akakulu nkani, imilile pamulyango uwa kaya akakulu nkani kala nukubalingannya abalongozi aba mukaya akakulu nkani kalakala nizya nongwa yache. Po abalongozi bala bamwitikizye pakwinjila mukaya akakulu nkani kala, nukumupa ubuzilo ubwakuti ikalayemo.

Luti 3:12

Napapo zyanaloli ukuti ane ne mukamu wako, loli alipo umukamu wako umwenecho uwakunchila, yuyo ali ni mbombo iyakukusungilila.

Luti 3:18

Po u Nabomi akamubuzya umulasagha wache akati, “Wee mwana wane, lindilila twennye mumo ivintu vikwiza pakumalila. Pakuti u Bowazi atangikala pasi mupaka abombepo zimo umusanya ughu.”