Luti 3:7 - IBAYIBOLO 2024

⁷ Bo u Bowazi amala pakulya nukung'wela, akahoboka nkani, po akabuka pakughona palubazu ulwachibunga icha mapemba. U Luti akafika umwakunyanyatuka bulo, akamuvwinkula nukughona kunyayo zyache.

Luti 3:7 Iomraidhean Croise

Ubwandilo 43:34

U Yosefu akabalamula abambombo bache ukuti bamusendele umuntu wesi ichakulya pitebulo lyache, loli ichakulya icha Benjamini chikaba ka fayivi ubukulu ukuchila abamwabo. Po bakalya nukung'wela poka nu Yosefu umwakuhoboka nkani nawe.

2 Samuweli 13:28

U Abisalomu akabalamula abantu bache akati, “Ivwa kuno! Nanti u Amunoni akolwa nkani nu vinyo, sona nanti nababuzya ukuti, ‘Mukome u Amunoni,’ po mumughoghe. Mutakanyilaye pachifukwa ichakuti nene nabalamula. Mujimbaye sona mutakazyelaye.”

1 Abamwene 21:7

Po umuchi wache u Yezibeli akati, “Awe we mwene uwa Izilayeli. Nyamuka ulye, sona utakapasyanje. Nkwiza pakukusendela umughunda uwa mampesya uwa Naboti umu Yezileli.”

Esitele 1:10

Pisiku ilyaseveni ilya lusekelo lula, bo u mwene u Ahaziwelo akolwa nu vinyo akabalamula abambombo bache abapase seveni, kokuti u Mehumani nu Bizita nu Halibona nu Bigita nu Abagita nu Zetali sona nu Kalakasi,

Masalimo 104:15

Akumupa umuntu uvinyo yuyo akughuhobosya umoyo wache, na mafuta ghagho ghakuchilamizya icheni chache, sona ni vibama ivyakuti vimupanje amaka.

Umulumbilili 10:19

Ulusekelo lukubahobosyanga bulo abantu, sona uvinyo akubasangalusyanga, Loli indalama lyo lyamulo ilya vintu vyosi.

Umulumbilili 2:24

Ichintu ichiza nkani chicho umuntu angachibomba mubumi bwache ko kulya nukung'wela sona nukwilagha imbombo zyache. Nkwennya ukuti vyope vinivi vikufuma kwa Chala.

Umulumbilili 8:15

Cho chifukwa nkuti umuntu ilaghaye bulo ubumi, pakuti chitalipo ichintu ichiza nachimochimo chicho umuntu angachibomba pachisu ichapasi, ukuchila ukulya nukung'wela sona nukuhoboka. Bunubu akwiza pakuhoboka pambombo zizyo akuzibomba mubumi bwache bosi, bubo u Chala akumupa pachisu ichapasi.

Umulumbilili 9:7

Lyanga ichakulya chako nukusekela, sona ng'welagha uvinyo wako nu buhobosu, pakuti u Chala ahobokite ni mbombo zyako.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

Aba Efeso 5:18

Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu.

Abalongi 16:25

Bo amoyo ghabo ghahoboka nkani bakati, “Mumwitizye u Samusoni ukuti ize atusezyanjepo pano.” Po bakamwefyamo u Samusoni mujele mula nukwanda pakubasezya. Bakamwimika pakasi pa mpanda zibili.

Abalongi 19:22

Bo bali pakwilagha ichakulya chila, abantu bamo ababibi abamwalwe aba mukaya akakulu nkani kala, bakayizyungulila inyumba yila. Bakanda pakulukoma ulwiyi nukumubuzya umuntu umughosi yula umwenecho uwa nyumba ukuti, “Mufumye kuzi umuntu yuyo izite munyumba yako ukuti tughonane nawe.”

Abalongi 19:6

Po bosi babili bala bakikala pasi, bakanda pakulya nukung'wela poka. Pisinda pache uwisevyala yula akati, “Nalamba, ughonele sona nukwilagha.”

Abalongi 19:9

Po umu Levi yula nu muchi wache umuzya poka nu wambombo wache bakanyamuka ukuti babwelaye, loli uwisevyala akati, “Ennya, kwila kale. Ghonela sona nukwilagha. Ulabile pandabindabi nkani nukubwela.”

Luti 3:6

Po u Luti akabuka kubuzilo ubwakukomelapo inyinulo bula nukubomba vivyo unyinavyala akamubuzya.

Luti 3:8

Pakasi pabusiku ichintu chimo chikamuchenusya u Bowazi nukughalabuka, po akamwennya umukolo aghonite kunyayo zyache.