Luti 2:8 - IBAYIBOLO 2024

⁸ Po u Bowazi akamubuzya u Luti akati, “Wee mwana wane, ivwa kuno. Utakasalalaye mumughunda ughunji, sona utakepemo mumughunda muno. Loli ikala muno na bambombo bane abachilindu banaba.

Luti 2:8 Iomraidhean Croise

2 Abamwene 5:13

Loli abambombo bache bakapalamila nukumulalusya ukuti, “Wee tata, buli nanti umulaghuzi akakulamulagha ukuti ubombe ichintu chimo ichipala nkimba ngali utachibombite? Po nkimba pali bupala boni pakukubuzya ukuti, ‘Ogha nukuswepa?’ ”

Aba Levi 19:9

“ ‘Bo mukwinula mumaghunda ghinyu, mutakinulaye mumpaka izya mumaghunda ghinyu, sona mutakasalalaye.

Matayi 9:2

kuko abantu bamo bakiza nu muntu umulemazu, bo alambalaye pachibonde. Bo u Yesu ennya ulwitiko lwabo, akamubuzya umuntu umulemazu yula akati, “Wee mwana wane, jimba umoyo! Imbibi zyako zyahobokeliwa.”

Matayi 9:22

U Yesu akaghalabuka nukumwennya umukolo yula nukuti, “Wee mwana wane, jimba umoyo! Ulwitiko lwako lwakupozya.” Panapo na panapo umukolo yula akapola.

Aba Filipi 4:8

Mwee bakamu bane, pabumalilo nkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

Luti 2:7

Akandaba akati, ‘Nalamba, unyitikizye ukuti insalaleko amapemba mwisinda mu binuli.’ Bo injila mumughunda asalalagha ukwandila pandabindabi, loli atuzyapo panandi bulo mukazundila.”

Luti 2:9

Wenelezyanje umughunda ghugho abantu bali pakwinula, sona ubakonkaye abalindu bala. Nababuzya abalumendo bala ukuti batakakutamyanje. Po nanti uli ni nyota, ubukaye bulo pakung'wela amizi musonta zyabo.”

1 Samuweli 3:16

Loli u Eli akamwitizya akati, “Samuweli, mwana wane!” U Samuweli akitika akati, “Nafika!”

1 Samuweli 3:6

U Mwene akamwitizya sona akati, “Samuweli!” Panapo na panapo u Samuweli akanyamuka nukubuka kwa Eli. Akamubuzya akati, “Nafika, wanyitizyanga.” U Eli akati, “Wee mwana wane, ntakwitizizyepo, nyokela kalambalalaye.”