Luti 2:4 - IBAYIBOLO 2024

⁴ Panapo na panapo u Bowazi akafuma mu Betelehemu, po akafika kumughunda wache nukubalamuka abinuli bala ukuti, “U Mwene abanje namwe.” Bakamwamula bakati, “U Mwene akusaye.”

Luti 2:4 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

1 Imbili 2:51

nu Salima, u Salima akapapa u Betelehemu nu Halefi, u Halefi akapapa u Beti Gadeli.

Masalimo 118:26

Musayiwa yuyo akwizila mwitabwa ilya Mwene, ukufuma mu Nyumba iya Mwene tukubasaya.

Masalimo 134:3

U Mwene yuyo Mupeli uwakumwanya ni chisu ichapasi, abasaye bo ali mu Ziyoni.

Yelemiya 31:23

U Mwene Uwamaka Ghosi, u Chala uwa Izilayeli akuti, “Bo nkubanyosezya sona abantu ubwabuke, abantu aba mu Yuda naba mutwaya twache utukulu bakwiza pakunena sona amazyu aghakuti, ‘U Mwene akusaye wee kaya akagholosu, sona wee lighamba izelu.’

Ukubelengiwa 6:24

U Mwene abasaye nukubasungilila.

Luka 1:28

Uwantumi yula akiza pakumulamuka nukuti, “Mwaghona! U Mwene ali nawe, sona akusayite nkani!”

2 Aba Tesalonika 3:16

U Mwene, umwenecho uwa mutende abapanje umutende pakabalilo kosi, sona na muzila zyosi. U Mwene abanje namwe mwebosi.

1 Timoti 6:2

Abazya babo abamwene babo bitiki, batakabapepulaye, pachifukwa ichakuti bakamu babo mwa Yesu. Loli bababombelaye akiza nkani, pakuti bo bitiki, babo bakukabapo ni mbombo yabo, sona babaghanite. Ubaghiye umanyisye nukulumbilila ivintu ivi.

2 Timoti 4:22

U Mwene abanje nu muzimu wako. Ichisa icha Chala chibanje nawe.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Abalongi 6:12

Palapala uwantumi uwa Mwene akamubonekela u Gidiyoni nukuti, “U Mwene ali nawe, we muntu umujimvu sona nu wamaka.”

Abalongi 6:16

U Mwene akamwamula akati, “Nkwiza pakuba nawe, po ukwiza pakubapota aba Midiyani bosi.”

Luti 2:3

Po u Luti akabuka nukwanda pakusalala mwisinda mu binuli bala. Zikabombiwa ukuti akafika mumughunda uwa Bowazi, yuyo akaba waluko ulwa Elimeleki.

Luti 2:5

Po u Bowazi akamulalusya ukapitawa uwa binuli bala akati, “Nkimba umulindu yula mwana wawenu?”

Luti 4:11

Po abasongo na bantu bosi babo bakaba pamulyango pala bakati, “Naloli twe bakaboni. U Mwene amusaye umukolo yuyo akwiza munyumba yako abe ngati we Lakelo nu Leya, abakolo babo bakamupapila u Yakobo abana abinji. Umuntu umusita kusobelwa ichintu nachimochimo mu Efulati, sona ubanje muntu umumanyikwe nkani mu Betelehemu.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”