Luti 1:16 - IBAYIBOLO 2024

¹⁶ Loli u Luti akamwamula akati, “Utakandambilizye ukuti indeke pakukukonka. Kuko ukubuka, ko kuko nane bulo nkwiza pakubuka, sona kuko ukwiza pakwikala, ko kuko nane bulo nkwiza pakwikalagha. Abakamu bako bakwiza pakuba bakamu bane, sona u Chala wako akwiza pakuba we Chala wane.

Luti 1:16 Iomraidhean Croise

2 Samuweli 15:21

Loli u Itayi akamwamula u mwene akati, “Nkulapa pamaso pa Mwene, sona na pamaso papako ukuti kosi kuko awe we mwene wane ukubuka, manyi bufwe, manyi bumi, ane ne wambombo wako nkwiza pakuba kulakula.”

Masalimo 45:10

Wee mulindu teghelezya! Ivwa amazyu nukughinong'onela, sona ubaluvye abakamu bako na bamunyumba iya ghuso.

Ivyili 17:17

Umumanyani wako weyuyo akughanite akabalilo kosi, sona uwamwinyu akapapiwa ukuti akwavwanje muntamyo.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Zekaliya 8:23

U Mwene Uwamaka Ghosi akuti, “Pakabalilo kalakala, abanavuli 10 abakufuma mu neno zyosi sona naba mu inko izinji, bakwiza pakuyilema nkani inkazo iya mu Yuda yumo nukuti, ‘Tubukaye nawe, pakuti twivwa ukuti u Chala ali nawe.’ ”

Matayi 8:19

Umumanyisi uwa Ndaghilo akiza kukwache nukuti, “Wee Mumanyisi, nkwiza pakukukonka kosi kuko ukubuka.”

Yohani 13:37

U Pitala akamulalusya akati, “Wee Mwene, nkimba choni chicho intangakukonka losi ulu? Ane niyanizye ukufwa pachifukwa icha wewe.”

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

Yoshwa 24:18

U Mwene akazichimbizya inko zyosi bo tukwennya na maso, sona nukonjelezyapo aba Amoli, babo bakikalagha muchisu chilachila. Po naswe bulo tukwiza pakumubombela u Mwene pakuti we Chala witu.”

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Luti 1:15

U Nabomi akati, “Ennya, uwamwinyu abwela kukwabo, sona na kwa chala wache. Po bwelagha poka nawe.”

Luti 1:17

Kuko ukwiza pakufwila, ko kuko nane bulo nkwiza pakufwilako, sona ko kuko nkwiza pakusyiliwako. U Mwene anfunde nkani, nanti chilipo ichintu chimo chicho chingatulesannya, loli bo bufwe bwene.”

Luti 2:6

Ukapitawa yula akamwamula akati, “Wee mu Mowabu, yuyo akiza nu Nabomi.

Luti 4:15

Umulasagha wako akughanite nkani, sona akubombela ichintu ichikulu nkani ukubachila abana abalumendo seveni. Losi ulu akupiye umwizukulu, yuyo akwiza pakukupa ubumi ubupya, sona akwiza pakukusangalusya mubughosi bwako.”