Luti 1:15 - IBAYIBOLO 2024

¹⁵ U Nabomi akati, “Ennya, uwamwinyu abwela kukwabo, sona na kwa chala wache. Po bwelagha poka nawe.”

Luti 1:15 Iomraidhean Croise

2 Abamwene 2:2

U Eliya akamubuzya u Elisha akati, “Weya we, syala pano. U Mwene antuma ku Beteli.” Loli u Elisha akamula akati, “Nkulapa pamaso pa Mwene umumi na pamaso papako ukuti ntakwiza pakukuleka napo panandi.” Po bosi bakabuka ku Beteli.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Ukubelengiwa 10:30

Loli u Hobabu akamula akati, “Awe, ntakubukako, loli nkunyokela kuchisu chane, kuko kuli abakamu bane.”

Luka 24:28

Bo bapalamila kukaya kako bakabukaghako, u Yesu akaba ngati po akubachila.

Aba Hebeli 10:38

Abantu bane abagholosu bakwiza pakuba nubumi pakusubila. Loli nanti yumo mumwabo akunyokela kwisinda, ntakwiza pakuhoboka nawe.”

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Yoshwa 24:19

Po u Yoshwa akababuzya abantu akati, “Lumo mutangamubombela u Mwene, pakuti we Chala Umuzelu; we Chala uwabuzuba. Atakwiza pakubahobokela pachifukwa icha kusambuka kwinyu, sona ni mbibi zyinyu.

1 Yohani 2:19

Naloli abantu banaba batakaba ba kabukatila kitu, cho chifukwa bakatuchimbila. Nanti bakabanga ba kabukatila kitu, ngali batakatuchimbila. Loli bakatuchimbila umwakuti chiboneke pabuzelu ukuti naloli atakabapo nayumo umuntu yuyo akaba wa kabukatila kitu.

Abalongi 11:24

Nkimba mutangasenda ivintu vivyo uchala winyu u Kemoshi abapiye? Umwakuyana bulo, aswe tukwiza pakusenda ivintu vyosi vivyo u Mwene u Chala witu atupiye.

Luti 1:14

Po sona bosi bakalila nkani. U Olipa akamufyofyonta unyinavyala pakumulagha, loli u Luti akamukakatila u Nabomi.

Luti 1:16

Loli u Luti akamwamula akati, “Utakandambilizye ukuti indeke pakukukonka. Kuko ukubuka, ko kuko nane bulo nkwiza pakubuka, sona kuko ukwiza pakwikala, ko kuko nane bulo nkwiza pakwikalagha. Abakamu bako bakwiza pakuba bakamu bane, sona u Chala wako akwiza pakuba we Chala wane.